Türk kinosunun ən uğurlu komediyalarından biri olan "G.O.R.A." uzun fasilədən sonra yenidən tamaşaçı ilə görüşməyə hazırlaşır.
Kulis.az xəbər verir ki, Cem Yılmaz sosial şəbəkə hesabında etdiyi paylaşımla çoxdan maraqla gözlənilən “GORA 4 GORA” filminin aktyor heyətini ilk dəfə bir yerə yığdığını açıqlayıb.
2004-cü ildə nümayiş olunan "G.O.R.A." filmi Arif Işık obrazı üzərindən türk kinosunda elmi-fantastika ilə komediyanı özünəməxsus şəkildə birləşdirərək qısa müddətdə kult film statusu qazanmışdı. Film həm kassadakı uğuru, həm də dillər əzbəri olan replikaları ilə yaddaşlara həkk olunmuşdu.
Açıqlanan aktyor heyətində Cem Yılmazla yanaşı Can Yılmaz, Bülent Şakrak, Özge Özberk, Uraz Kaygılaroğlu, Bora Akkaş, İdil Sivritepe, Bige Önal, Nevra Cansu Özel, Murat Eken, Emre Karayel və Ahmet Pınar kimi diqqətçəkən sənətçilər yer alır.
Yayım tarixi hələlik dəqiqləşməyən film indidən ilin ən çox müzakirə olunacaq yerli filmlərindənbiri kimi göstərilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər