İsveç televiziyasında Xocalı haqqında film nümayiş olunacaq

İsveç televiziyasında Xocalı haqqında film nümayiş olunacaq
26 fevral 2020
# 18:40

Heydər Əliyev Fondunun vitse-prezidenti Leyla Əliyevanın təşəbbüsü ilə “Xocalıya ədalət!” təbliğat kampaniyası çərçivəsində hazırlanmış "Sonsuz dəhliz" filmi 10 milyona yaxın izləyicisi olan İsveçin Açıq İctimai Televiziyasının efirində nümayiş olunacaq.

Kulis.az xəbər verir ki, litvalı rejissor Andreas Brokasın Xocalı qırğınından söz açan sənədli filmi Bakı Mətbuat Klubunun Skandinaviya bürosunun və İsveç İctimai Televiziyasında "Azərbaycan TV" proqramının rəhbəri Rahim Sadıqbəylinin təşəbbüsü ilə efirə gedəcək.

Film İsveç vaxtı ilə 26 fevral 2020-ci il saat 21:30-da efirdə yayımlanacaq.

Xatırladaq ki, sözügedən filmin premyerası 2014-cü il iyulun 1-də Londonda Britaniya Film və Televiziya İncəsənəti Akademiyasında (BAFTA) keçirilib. Tədbirdə Heydər Əliyev Fondunun vitse-prezidenti Leyla Əliyeva da iştirak edib. "Sonsuz dəhliz" sənədli filmi prodüserlər Aleksandras Brokas (Litva) və nüfuzlu "Grammy Award" mükafatçısı Cerald Rafşun (ABŞ) tərəfindən çəkilib. Film britaniyalı aktyor, BAFTA mükafatçısı Ceremi Ayronz tərəfindən səsləndirilib.

İngilis dilində çəkilmiş filmin subtitrləri Leyla Əliyevanın təşəbbüsü ilə Çin, türk, fransız, italyan və alman dillərinə tərcümə olunub. Bundan əlavə, film rus dilinə dublyaj edilib.

“Sonsuz dəhliz” filminin “Xocalıya ədalət!” təbliğat kampaniyası çərçivəsində İstanbul, Ankara, Roma, Vilnüs, London, Paris, Dublin, Berlin, Bern şəhərlərində təqdimatı olub.

2015-ci ilin avqustunda İsrailin Birinci dövlət televiziya kanalında (“Channel 1”) “Sonsuz dəhliz” sənədli filmi nümayiş etdirilib.

2015-ci ilin dekabrın 3-də "Endless Corridor" ("Sonsuz dəhliz") sənədli filminin İspaniyanın Barselona şəhərindəki "Girona" kinoteatrında premyerası keçirilib.

# 2955 dəfə oxunub

Oxşar xəbərlər

Yasaq sevgi hekayəsi - Yeni serial

Yasaq sevgi hekayəsi - Yeni serial

18:48 24 aprel 2025
700 layihə arasından seçilmiş - "Kür"

700 layihə arasından seçilmiş - "Kür"

12:40 24 aprel 2025
Trampın betonla savaşı, İsanın anası və yəhudilər - Ömər Xəyyam

Trampın betonla savaşı, İsanın anası və yəhudilər - Ömər Xəyyam

09:00 24 aprel 2025
“Mənim sehrli dünyam” təqdim ediləcək

“Mənim sehrli dünyam” təqdim ediləcək

18:30 23 aprel 2025
Oqtay Mirqasımovun filmi 60 ildən sonra təqdim olunur

Oqtay Mirqasımovun filmi 60 ildən sonra təqdim olunur

13:17 23 aprel 2025
Yeni Oskar qaydaları nə vaxtdan tətbiq olunacaq?

Yeni Oskar qaydaları nə vaxtdan tətbiq olunacaq?

11:00 23 aprel 2025
# # #