Kulis.az məşhur əsərlərin yazılma tarixçəsindən bəhs edən “Necə yazdım?” layihəsi çərçivəsində Elçinin “Ölüm hökmü” romanı haqda danışdıqlarını təqdim edir.

- Mən “Ölüm hökmü” romanını 1984-cü ildə yazmağa başladım. Brejnev getmişdi, Andropov vəfat etdi və Çernenko gəldi. Çernenko ortodoks kommunist, konservator idi, onun vaxtında ölkədə vulqar sosioloqizm meylləri, ideologiyada partiya hegemonluğu daha da artırdı.

Mən bu romanı yazanda içimdəki “Qlavlit” kabusunu, yəni partiya senzurasını və həmişəki kimi bu kabusu aldatmaq üsulları barədə götür-qoy etməyi bir kənara atdım. Və “Ölüm hökmü”nü tam sərbəst, necə istədimsə, elə də yazdım.

O zaman əmin idim ki, bu roman heç vaxt çap olunmayacaq. Bəlkə də o vaxt çap oluna bilərdi ki, əsəri xaricə göndərim. Roman Azərbaycan dilində yazılmışdı. Hara göndərə bilərsən? Doğrusu, Türkiyəyə göndərmək barədə fikirləşirdim, ancaq bunun da perspektivlərini görmürdüm.

Nə isə, əsəri 1988-ci ildə bitirdim. Artıq “perestroyka” sayəsində Sovet ideologiyası laxlamağa başlamışdı. “Ölüm hökmü” 1989-cu ildə “Azərbaycan” jurnalında çap olundu, haqqında çox yazıldı. Bundan sonra isə əsər geniş yayıldı. Moskvada nəşr olundu, başqa dillərə tərcümə edildi, səhnələşdirildi və s.

Layihənin digər yazıları:

Sabir Rüstəmxanlı: “O kitab maddi problemlərimi həll etdi”

• Hamısı yalvarırdı ki, adları gizli saxlanılsın... - AYB-nin Mikayıl Müşfiq əleyhinə ifadə verən 26 üzvü kim idi?
• Dua - Anar Şamilin hekayəsi
• "Vətəndaş A"nın Almazı: "Ağıllı kişi silikonlu, vulqar qadına aşiq olmaz" - Müsahibə