İlahi, kimin əlinə oynayırsan?! – Səhər Əhməddən Yeni Şeirlər

İlahi, kimin əlinə oynayırsan?! – <span style="color:red;">Səhər Əhməddən Yeni Şeirlər
8 iyun 2018
# 11:00

Kulis.az tanınmış şairə Səhər Əhmədin yeni şeirlərini təqdim edir.

***

İlahi, ilahi,

Niyə belə qaranlıqdı,

O boyda günəşə rəğmən.

Hanı sənin adamların,

Sən görürsənmi,

Mən heç nə görmürəm...

Sənmi bizi yaratdın, bizmi səni,

Hansımızdadı qüsur,

Vallah həqiqi soruşuram.

İlahi, bağışla, bu ssenaridə nəsə kəmdi,

Tez-tez çaşıram,

Rolumun sözlərini dəyişə bilərəmmi?!

Əlimdə altıqoşam ölür,

Düşməyə qoymursan...

İlahi, soruşmaq ayıb olmasın,

kimin əlinə oynayırsan?!

***

Yaşasın sərhəd tanımayan dənizlər,

qumlarına ürək şəkli çizilmiş sahillər,

üstündə heç bir dövlət qurulmayan adalar,

heç bir bayraq sancılmayan zirvələr...

Yaşasın yuvasız sevgilər,

Divanə ruhlar.

Məcrasına sığmayan azadlıqlar,

Və bütün günahsızlıqlar.

Rədd olsun millətləri və tarixi düşünən siyasət.

Var olsun fərdləri yaşadan ədəbiyyat...

Qoy qalib olmasın millətlər,

Qanla bəzənməsin tarix,

Yaşasın fərdlər...

# 1921 dəfə oxunub

Oxşar xəbərlər

Diplomlu taksi sürücüsü və armatur söhbəti - Babək Məmmədlinin hekayəsi haqqında

Diplomlu taksi sürücüsü və armatur söhbəti - Babək Məmmədlinin hekayəsi haqqında

10:00 9 aprel 2025
Bakılı gəncin Rusiyada başına gələnlər - Elnarə Qaragözova

Bakılı gəncin Rusiyada başına gələnlər - Elnarə Qaragözova

11:30 8 aprel 2025
Keçmişlə indinin sərhədində: “Mənim üçün qızılgül”

Keçmişlə indinin sərhədində: “Mənim üçün qızılgül”

14:00 5 aprel 2025
"Məktəb tikdirmək istəyirsə..." - Şərurlu İsfəndiyara cavab

"Məktəb tikdirmək istəyirsə..." - Şərurlu İsfəndiyara cavab

16:18 4 aprel 2025
Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
#
#
# # #