Kulis.az gənc şair Ulucay Akifin “Yaz şeiri” adlı yeni şeirini təqdim edir.
Çox pis
vərdişlərim var.
- Məşhur aktrisa oğurluğa görə saxlanıldı
- Afaq Bəşirqızı “Şərəf” ordeni ilə təltif edildi
- Urartu dövrünə aid qədim məbədlər aşkarlandı
Məsələn, bir yaz günü
aşiq ola bilərəm
tanımadığım qızın
əllərinə, ayaqlarına, sinəsinə...
aşiq ola bilərəm
yarpaqların rəqsinə,
günəşin gülüşünə, küləyin əsməsinə...
Çox pis
vərdişlərim var.
Məsələn, bir yaz günü
ümid dolar içimə,
məsciddən çıxıb kafeyə gedərəm,
doldurub badəmi deyərəm:
- bunu da Tanrının sağlığına içirəm!
Çox pis
vərdişlərim var.
Məsələn, bir yaz günü
unudaram
sənin adını,
səsini, qoxunu.
Çıxarsan yadımdan...
Məsələn,
bir yaz günü
keçərsən yanımdan,
yaxınlaşıb deyərəm:
- Sevirəm!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
