2016-cı il Nobel mükafatının Tibb və Fizika üzrə sahibləri artıq bəlli olub. Bəs görəsən Ədəbiyyat üzrə Nobel mükafatı qalibi kim olacaq? Nobel Komitəsinin rəsmi saytında Ədəbiyyat üzrə Nobel mükafatçısının qalibinin elan olunacağı günün hələ dəqiqləşmədiyi barədə məlumat yerləşdirilib.
Bukmeker kontorları isə hər il olduğu kimi öz Nobel Ədəbiyyat mükafatına pul qoyuluşlarının əmsallarını açıqlayıblar. Siyahıya hər il olduğu kimi bu il də 6 əmsalla yapon yazıçı Haruki Murakami başçılıq edir.
İkinci yerdə 7.5 əmsalla suriyalı şair Adonis dayanır.
Müvafiq olaraq növbəti yerlərdə Keniyalı yazıçı Nquqi va Thionqo (11), amerikalı yazıçı Filip Rot (13), alban yazıçı İsmael Kadare (17), argentinalı yazıçı Sesar Ayra (17), amerikalı yazıçı Coys Kerol Oats (17.5), Norveç yazıçı Con Fosse (21), Daniel Kahneman (21), yəhudi yazıçı Abraham İeqoşua (23) dayanır.
Siyahıda Avstriya yazıçısı Peter Hendke 51 əmsalla 31-ci yerdə, hind əsilli Britaniya yazıçısı Salman Rüşdü 67 əmsalla 53-cü yerdə, Çex yazıçı Milan Kundera isə 81 əmsalla 74-cü yerdə qərar tutur.
Xatırladaq ki, ötən il Ədəbiyyat üzrə Nobel mükafatını nsahibi Belarus yazıçı Svetlana Aleksieviç olub.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
