Kulis.az Xanəmir Telmanoğlunun “Nə Milad nə də Roma” şeirini təqdim edir.

Ey dadi bidad danəndə dəhan dərviş d....

Sah yaman yalan danisir

ömrə gün ağlamır

nə milad nə də roma

sümüklərim ağrıyır

sən milad o da roma

tarix yaxır dağlayır

Sə milad Lib də roma

bu papa bu da keşiş

halları dəyişən yox

müsəlman çəkir xaş-xaş

səhrada üşüyən yox

kardinallar baş kəsir

hirada gizlənən çıx

yəhudi ingilislə

bazarda edir çax-çux

Si milad Bir də roma

istanbul qan içində

sultan ahmet qovrulur

elm hələ də çində

külək saman sovurur

daha ayırmaq olmur

müsəlmandan gavuru

Fa milad Teh də roma

istanbul deyib keçmə

savaşlar burda bitər

hər tinində köçmənlər

boynun büküb can ütər

mars venera bayılar

saturin də qəm tütər

Aya milad Sofya roma

mənim öz vaxtım hanı

istərəm zamanımı

tökülüb hicri qanı

çağırram şamanımı

Alp milad Ər də roma

vaxtın bildim İsanın

bəs Məhəmməd necolsun

tariximi yazanım

nədən hacı yox

xaç olsun....

Mə - milad -Dinə roma-

Bağ milad Dad da roma

göylər öz bildiyini

sızdırır adam adam

yadlar içimdə oğru

dostlar, içimdə yadam

hə milad hə də roma

Kər milad Kük də roma

ayrılmadım arımdan

dost aradım can dedim

köçürtdülər yurdumdan

baş alıb hara gedim

indi də çürüdürlər

qul olmaq mənim həddim

hansı dildara gedim

Da milad Nış da roma

çoxu ardımca baxdı

havada qaldı əllər

şeytan ruhumu yaxdı

dərd götürmədi dillər

öl milad ür əm roma

zənn milad güman roma

bitməz fəlakətimdə

acılar sərgüzəşti

etməz fələk də etməz

etməz nədən güzəştin

Sağ milad Sol da roma

sonsuz səltənətlərin

nur damır taxt tacından

milyonlar adlarını

unudubdur acından

Fil milad İstin roma

səfil sərgərdan gəzir

göylər verən bu canlar

əzir ruhumu əzir

can dolu azər(bay)canlar

Qa milad Alx da roma

Təb milad Riz də roma

qiyamətlər sifariş

mahşərlər dəvətlidir

uzaqlarda dirilş

iblislər dövlətlidir

SU milad Us da roma

Xəz milad Ər də roma

cənnətlər ələ keçməz

gülüstanlar satılıb

haqq deyən haqqa köçməz

cəhənnəmə atılır

ba milad ax da roma

A milad Raz da roma

zindanda köpük qusur

hilalüz hilalqaşlı

adn cənnətlərindən

kim o gözləri yaşlı

məkkə mədinə deyir

uşaq cavan və yaşlı

Mək milad Kə de roma

yurdumda can qalmadı

ey göylər ey allahlar

çəkildi bin bərəkət

Allah oldu ilahlar

Di milad Rezden roma

öc almaqdan keçibdir

eşqdən qeyri ümid yox

ac olmaqdan keçibdir

işıqdan bol nurdan bol

nə var bizi doyuran

Yer milad –Usəlim roma

gün də ay da alınıb

hava su mənim deyil

nəfəsim də talanıb –

bu tən də mənim deyil.

yurdum oda qalanıb.

vətən day canım deyil

(a türk tarlan tutulub ..

dən səpmə sinən deyil)

Buğ milad - Da da roma

2009

• "Xalqın mədəni sərvəti" layihəsinin bağlanış mərasimi keçirildi
• "Evdə tək"in aktyoru yeni seriala çəkilir
• Ailə, din riyakarlığın mənbəyidir... - Səsvermə hüququndan məhrum olunmuş rejissor