Amerika Birləşmiş Ştatlarının Quantanamodakı həbsxanasının rəhbərliyi məhbus Şaker Aamerə Aleksandr Soljenitsının “Arxipelaq QULAQ” kitabının çatdırılmasına icazə verməyib. Kulis.Az-ın məlumatına görə bu haqda məlumatı ABŞ hökuməti tərəfindən terrorçuluqda şübhəli bilinən britaniyalı Şaker Aamerə hüquqi dəstək verən “Reprieve” hüquq-mühafizə təşkilatının saytı yayıb.

Mühafizəçilərin bildirdiyinə görə hüquqşünaslar “Arxipelaq QULAQ” kitabını 11 ildir Quantanamoda saxlanılan Ş. Aamerə sonuncu səfərləri vaxtında çatdırsalar da sonra bəlli olub ki, kitab məhbusa çatmayıb. “Reprieve” təşkilatının saytında müasir amerikalı yazıçısı Con Qrişemin kitablarının da Quantanamoda qadağan olunduğu yazılıb.

“Arxipelaq QULAQ” rus yazıçı Aleksandr Soljenitsının Sovet İttifaqında 1918 - 1956-cı illərdə repressiyadan bəhs edən ən məşhur kitabıdır. Müəllif 60-cı illərdə epopeyanın üzərində işini bitirəndən sonra, 1970-ci ildə Nobel mükafatı alıb. Ş. Aamerini müdafiə edən təşkilat bu qadağa ilə ABŞ-ın SSRİ-də qadağan olunan kitabları qadağa etdiyini və bununla da Amerika cəmiyyətinin ənənələrini pozduğunu qeyd edib.

Kuba ərazisində yerləşən və ABŞ tərəfindən terrorda ittiham olunan insanları təcrid etmək üçün istifadə edilən Quantanamo həbsxanasında cəza çəkən məhbusların kitab sevgisi hər zaman cəmiyyətin marağına səbəb olub. Quantanamoda ən populyar kitabın Harri Potter haqqında kitabların olduğu deyilsə də, 2013-cü ildə bəlli olub ki, məhbuslarda böyük maraq doğuran kitab britaniyalı yazıçı E. L. Ceymsin erotik romanı “Bozun 50 çaları” kitabıdır.

• Səməd Vurğunun 120 illik yubileyi qeyd edildi
• “Aşkın yapay provası” Azərbaycan səhnəsində nümayiş olunacaq
• Emir Kusturitsa: "Kommersiya uğuru hər zaman həqiqi keyfiyyət demək deyil..."