Kulis.az Ayaz Rzayevin “Ən qısa hekayə” müsabiqəsinə göndərdiyi “Sağlam düşüncə” (485 işarə) hekayəsini təqdim edir.
O, qəhrəman deyildi. Məsih kompleksi də yox idi. Sadəlövh də deyildi. Onu həqiqətən sevirdi, amma yaxşı başa düşürdü ki, indi döşəmədə oturan bu mavi gözlü qızcığazı heç bir şey xilas edə bilməzdi.
Əgər “Clozapine” xəstəliyin qarşısında gücsüz idisə, onun da edə biləcəyi bir şey yox idi. Onu sevirdi, həqiqətən çox sevirdi, amma daha belə davam edə bilməzdi. Onun iradəsi tükənmişdi. Daha dayanmağa gücü qalmamışdı.
Getmək lazım idi. Və bu, əlbəttə ki, qorxaqlıq deyildi. Amma nədənsə tavandan döşəməyə qədər uzanan nəhəng pəncərədə öz əksinə baxdıqca, ürəyi bulanırdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər