Kulis.Az Pərvanə Rəhimovanın “Ən qısa hekayə” müsabiqəsinə göndərdiyi “Saxta baba” (467 işarə) hekayəsini təqdim edir.
- Ana!
- Can!
- Niyə işığımız yanmır?
- Kəsiblər
- Qaranlıqdan qorxuram.
- Yanındayam, quzum.
- Ana!
- Nədi, oğlum
- Səhər hara getmişdin?
- Ünvanlı sosiala.
- Bəs niyə gələndə ağlayırdın?
- Ona görə ki, pul vermədilər .
- Niyə?
- Dedilər iki ayağın var, iki əlin, demək, imkanlısan. Sənə düşmür.
- Üşüyürəm.
- İşlətmədiyimiz qazın pulu üçün gəlib qazımızı kəsiblər, bala.
- O nə səsdir, ana?
- Gəl qucağıma, yəqin şaxta babadı.
Sevincək qışqırdı:
- Şaxta baba bizə sovqat gətirib?
- Yox.
- Niyə?
Qəhərli pıçıltı ilə:
- Bütün şaxta babalar saxtadır da ondan - dedi.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
