Kulis.az Rahil Kərimovun “Ən qısa hekayə” müsabiqəsinə göndərdiyi “Cansız cani” (476 işarə) hekayəsini təqdim edir.
Bir ildir ağciyər xərçənginə tutulmuş İslamın ölümünə ən çox qardaşı Qurban ağlayırdı. Onun titrəyən barmaqları közərən siqareti göz yaşları ilə islanmış dodaqlarına aparıb gətirirdi. Üfürdü havaya son tüstü selini və hirslə atdı yerə siqaret kötüyünü. Beləcə qardaşının qisasını almış oldu elə bil. “Öldürdü” siqareti. Yerdə közərərək “can verən” siqaret kötüyü isə külək əsdikcə uzaqlaşırdı Qurbandan. Sanki növbəti missiyası başa çatmışdı.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
