Niyə susurdu quşlar - ŞEİR

Niyə susurdu quşlar - <span style="color:red;">ŞEİR
17 may 2017
# 15:38

Kulis.az gənc şairə Könül Arifin yeni şeirlərini təqdim edir:

Suda sevgili kölgəsi

Mən bilirəm niyə susurdu quşlar,

Mən bilirəm qürubun sonrasını.

Ötməliydi gələn dolu göy qatar

Üstündəki buludun qarasını.

Mən bilirəm kor quyunun səmtini,

Mən bilirəm hardan dinir sətirlər.

Boşaldıqca şəffaf şüşənin dibi

Şairin içdiyi gözündən gələr...

Mən bilirəm sudur qəmin beşiyi,

Mən bilirəm niyə susur balıqlar...

Qonur, yaşıl, mavi, qara - nə fərqi?

Şair qövmü eyni gözdən ağlayar.

Mən bilirəm üzümlüyün sirrini

Cin kimi şüşədə qaldığı qədər.

İçsən suda sevgili kölgəsini

Ən qədim qırmızı şəraba dəyər.

Mən bilirəm niyə susurdu quşlar,

Mən bilirəm qürubun sonrasını.

Yarmalıydı gələn dolu göy qatar

Bu çökən buludun ən qarasını.

"Itirilmiş cənnət”

Con Miltona

"Allah var, Allah yoxdu

Allah var, Allah yoxdu

Allah var,

Allah yoxdu...”

– deyə çöbanyastığıdan

sonuncu ləçək qopdu.

Əyilib bahardan

bakir əlləriylə

daha bir çobanyastığı dərdi

qoca rahib.

Saymağa başladı

bu dəfə

"Allah yoxdu”dan...

artkaspi.az

# 1207 dəfə oxunub

Oxşar xəbərlər

Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
Folklor və postmodern təhkiyə - Elnarə Qaragözova

Folklor və postmodern təhkiyə - Elnarə Qaragözova

15:00 23 mart 2025
# # #