Ayı oraqla doğra - Könül Həsənquludan YENİ ŞEİRLƏR

Ayı oraqla doğra - Könül Həsənquludan <span style="color:red;">YENİ ŞEİRLƏR
9 fevral 2016
# 21:00

Hasarlar

Şərqli qadının boyunbağısından
Xaç əvəzinə
Xəncər asıldığını görərsən....

Sənə sevgiylə baxıram

Danışma mənə
Nə Allahdan, nə cadudan!

Din əzəldən
Düşmən edər şairə

Övliyaları

Gəl...

Çək çarmıxa
Bir bax mənə
Gör necə

Hz. İsa kimiyəm....

İyun 2015

Gün doğarkən

Mənə
Ürəyi dörd nalını ötən atlardan danış
Gedirəm son savaşa!

Mənə
Düzənlikdə duman qoparan atlardan danış
Gedirəm son savaşa

Mənə
Yüyənini çeynəyib udan atlardan danış
Gedirəm son savaşa

Mənə
Özünü bölüb-keçən atlardan danış
Gedirəm son savaşa

Ayı oraqla doğra

Noyabr 2015

Qızılgülün qayığı

Yosunları qucaqlamaq vardı qollarımda

əllərim uzanarkən boynuna


İri-xırda balıqların üzgəcləri

ətəklərinə dəyirdi

Üfüqdə günəşi udmamışdı

Yunisin balığı

Quru otların xışıltısı

səsində idi...

Ot ayaqlamıram indi

ayaqlarım da böyüdü boyum kimi

Yazsalar da vəsiqəmə “havanı yarmaqda

yüz yetmiş iki sm-lik izn”i

boyum çatmır qaranlığa...


Qopar o qara rəngi

gecədən, ana

kölgəsi tutub günləri

Uzat əlini!

Yamadım bütün qayıqları...


Gül zoğundan qönçə düyünlənib açdığı kimi

gül zoğundan qönçə düyünlənib açdığı kimi

gəl yenidən doğ məni.

Yanvar 2016

# 1157 dəfə oxunub

Oxşar xəbərlər

Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
# # #