Yeni şeir növü - ÜÇYARPAQ

Yeni şeir növü - <span style="color:red;">ÜÇYARPAQ
7 mart 2017
# 11:30

Aşıq yaradıcılığında qoşayarpaq adlı bir şeir növü var. On bir hecada yazılan bu şeirin hər misrasında daxili qafiyə olur. Əslən Laçından olan şair-aşıq Adil Cəfakeş bu şeir növünü irəlilədərək üçyarpaq yaradıb. Üçyarpaq da on bir hecada yazılır və bir misrasında iki yox, üç qafiyə olur. Şairin bu günlərdə qələmə aldığı bir üçyarpaq nümunəsini oxuculara təqdim edirik.

Gəl bizə

üçyarpaq

Torpaq qızdı, buz su sızdı, ta yazdı,
Yolu bəzə, gəzə-gəzə gəl bizə.
Şair, yazdı, bu nə nazdı, naz azdı,
Ay Gülüzə, bir çıx üzə, gəl bizə.

Gör nə göyçək durub tək-tək o birçək,
Bir sığal çək, eyləmə şəkk bu gerçək.
Dur ay mələk, çəməndə sək turac tək,
Süzə-süzə, üzə-üzə gəl bizə.

Sənsiz ustad yesə də cad, yoxdu dad,
Etmə inad, sevinər yad, əsər bad.
Ay pərizad, bir eylə yad olum şad,
Güc ver dizə, nur ver gözə, gəl bizə.

Axşam-sabah çəkirəm ah, eyvallah,
Kimdi pənah, oldum agah, bismillah.
Adilə şah, etmə günah sən Allah,
Dönüb təzə bir nərgizə gəl bizə.

# 1912 dəfə oxunub

Oxşar xəbərlər

Gizli tapşırıq: “Boynuna qoyana qədər döyün!”

Gizli tapşırıq: “Boynuna qoyana qədər döyün!”

09:00 28 aprel 2025
Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
# # #