Nobel almağına inanmayan Patrik Modiano

Nobel almağına inanmayan Patrik Modiano
10 oktyabr 2014
# 11:14

Fransız yazıçısı Patrik Modiano Nobel mükafatı aldıqdan sonra ilk müsahibəsini verib. Kulis.Azın məlumatına görə yazıçı deyib ki, o, bu xəbəri Parisdə gəzərkən telefon vasitəsilə qızından eşidib: “Heç vaxt düşünməzdim ki, mənimlə bu, baş verə bilər. Bu, məni mütəəssir etdi”.

Modiano onun yaradıcılığı haqda məlumatsız olan oxuculara sonuncu kitabını tövsiyə etmək istəyib.

Yazıçı dekabrda təqdim ediləcək mükafat mərasiminə ailəsi ilə birlikdə qatılacaq.

İsveç Akademiyasının daimi katibi Peter Enqlund yazıçını dövrümüzün Marsel Prustu adlandırıb: “Onun əsərləri exo kimi bir-biri ilə səsləşir və insanı zaman, öz həyatı haqda düşünməyə məcbur edir”.

Demək olar ki, bütün əsərləri avtobioqrafik olan yazıçı “Mond” qəzetinə verdiyi müsahibəsində “Mənim süjetim zamandır” deyir.

Modiano vətənində klassik sayılsa da xaricdə az tanınır. Onun əsərləri ingiliscədən çox İsveç dilinə tərcümə edilib.

Doğma qardaşı Rudinin on yaşında ölməsi ona dərin sarsıntı yaşadıb. O, 1967 -1982-ci il arasında yazdığı bütün əsərlərini ona, ailəsinə həsr edib. İşğal vaxtı və İkinci Dünya Müharibəsindən sonra ailəsinin yaşantıları onun yaradıcılığından qırmızı xətt kimi keçir. Əsərlərində eyni zamanda yəhudi və antisemitizm motivləri yer alır.

Özünün ilk kitabını 20 yaşında yazan Modiano Nobel alan 15-ci fransız yazıçısıdır. Fransa ədəbiyyat üzrə Nobel alan ölkələrin başında gedir. Modianodan öncə bu mükafatı Sartr, Andre Jid, Anatol Frans, Romen Rollan, Le Klezio və başqaları alıb.

# 1376 dəfə oxunub

Oxşar xəbərlər

Dünyanı dəyişmək mümkün deyilsə, çıxış yolu nədədir?

Dünyanı dəyişmək mümkün deyilsə, çıxış yolu nədədir?

15:00 15 may 2024
Həmid Herisçinin xəyanəti, Anarın qələbəsi və AYBO

Həmid Herisçinin xəyanəti, Anarın qələbəsi və AYBO

09:00 8 may 2024
"Ondan Allahın özü də qorxurdu" - Mir Cəfər Bağırova yalvaran məşhur yazıçı

"Ondan Allahın özü də qorxurdu" - Mir Cəfər Bağırova yalvaran məşhur yazıçı

15:00 6 may 2024
Məşhur yazıçının faciəvi həyatı və itkin məzarı

Məşhur yazıçının faciəvi həyatı və itkin məzarı

09:01 6 may 2024
Ərinə itaət edən qadının böyüklüyü

Ərinə itaət edən qadının böyüklüyü

09:00 3 may 2024
"Cəlil Məmmədquluzadə Həmidə xanımla onun puluna görə evlənib..." - Ədəbiyyatımızın kədərli dəqiqələri

"Cəlil Məmmədquluzadə Həmidə xanımla onun puluna görə evlənib..." - Ədəbiyyatımızın kədərli dəqiqələri

12:00 1 may 2024
# # #