Ədəbiyyat aləminin ən nüfuzlu mükafatlarından sayılan Mən Bukerin builki sahibi amerikalı yazıçı Corc Sounders olub.

Kulis.azın türk mətbuatına istinadən verdiyi məlumata görə mükafatın sahibinin adı Londondakı tarixi və görkəmli bələdiyyə binası Guildhallda təşkil olunmuş mərasimdə açıqlanıb.

Sounders ABŞ prezidenti Abraham Linkolnun oğlunun məzarına ziyarətindən bəhs edən “Linkoln in the Bardo” romanıyla mükafata layiq görülüb.

6 yazıçı və əsərin namizəd olduğu mükafatı qazanan 58 yaşlı Sounders eyni zamanda 50 min sterlinqin də sahibi oldu.

Namizədlər arasında Sounderslə yanaşı “Elmet” romanıyla ingilis yazıçı Fiona Mozley, “4321” romanıyla amerikalı yazıçı Pol Oster, “History of Wolves” romanıyla Amerika yazıçısı Emili Fridland, “Exit West” romanıyla Pakistan əsilli ingilis yazıçı Mohsin Hamid və “Autumn” romanıyla ingilis yazar Ali Smith vardı.

İlk dəfə 1969-cu ildə verilən Mən Buker mükafatı 2014-cü ilə qədər Birləşmiş Krallıq, İngilis Millətlər Cəmiyyəti və ya İrlandiya vətəndaşı olan bir yazıçıya ingiliscə qələmə aldığı romana görə verilirdi. Mən Buker mükafatı 2014-cü ildən bu yana millət fərqi qoyulmadan ingiliscə yazan və Birləşmiş Krallıqda kitabı çap olunan bütün yazarlara verilir.

• Erməni komissarın sürgünə göndərdiyi qadın - Hüseyn Cavid niyə hər gün onlara gəlirdi?
• Bakirə olmadığına görə özünü güllələyən gəlin
• Bakıda tanınmış rəssamın evindən 200 min manatlıq oğurluq