Hər şey eynidir – Monoloq - Video

Hər şey eynidir – Monoloq - Video
4 sentyabr 2019
# 10:03

Kulis.az Nicat Manafovun "Hər şey eynidir" poetik monoloqunu və aktrisa Ləman Mərihin ifasında vidoyazısını təqdim edir.

Gecədən ağlıma ilişib qalır düşüncələr. Ən çox da səssizliyin o zülmət qaranlığında xatırladır özünü ağrılar, xatirələr, xəyallar.

Bu gecəni də yola versəm düzələcək ümidi ilə qalxıram ayağa, bəzən gəzirəm, bəzən otururam, bəzən də kövrəlirəm, pəncərədən çölə baxıb günəş gözləməyə başlayıram.

Günəş görünür, işığı çox incidir gözlərimi, amma çəkmək istəmirəm gözümü ondan, bir gün görməyib darıxacağımdan çox qorxuram.

Nə qədər əlimdə fürsətim var, qoy baxım doyunca işığa, küçəyə, insanlara.

Səhərin açıldığını hərəkətlənən səslərdən, siqnallardan, bağırışlardan, ayaq səslərindən hiss edirəm.

Getmək istəyirəm onlara qoşulub, yanlarında olmaq istəyirəm, sevinclərinə ortaq olmaq istəyirəm.

Keçib güzgüdə özümə baxıram, keçən gecədən üzümdə qalan izlərə toxunuram, oxşayıram onları əlimlə sığallayıb.

Geyinib qapıdan çıxanda arxaya baxmıram, narahat qalacağım, itirəcəyim heç nə yoxdur otaqlarda.

Hələlik otaq, mənim üçün darıxma, gecə olsun qayıdacam qucağına.

Şəhər, bu gün də eynidir, hər şey eynidir, eyni səs-küy, eyni məqsədlər, tələsir ora-bura adamlar. Boş qalmır heç yer, biri gedir, biri gəlir yerinə.

Tələsmək, necə də yadam bu istəkdən, nə məcburam getməyə harasa, nə də oturub qalmağa.

Atıram özümü onların arasına, yanımda insanları hiss edirəm.

Dayanın, buradayam.

Məni də aparın, mənimlə də danışın, halımı soruşun.

Yormaram sizi, gizlədərəm gecələri, yaxşıyam, sən necəsən?

# 3498 dəfə oxunub

Oxşar xəbərlər

Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
Folklor və postmodern təhkiyə - Elnarə Qaragözova

Folklor və postmodern təhkiyə - Elnarə Qaragözova

15:00 23 mart 2025
#
#
# # #