Kulis.Az mədəniyyət dərgisinin keçirdiyi “Ən qısa hekayə” müsabiqəsinin qalibləri məlum olub. Beynəlxalq Mətbuat Mərkəzində keçirilən tədbirdə elan edilib ki, birinci yerin qalibi 39 səslə “Veteran” hekayəsinin müəllifi Vüsalə Məmmədovadır. İkinci və üçüncü yerləri isə müvafiq olaraq 31 səslə Cavid Zeynallı (“Ata”) və 28 səslə Rüfət Əhmədzadə (“Atdılar”) tutub.

Beynəlxalq Mətbuat Mərkəzində keçirilən tədbirdə “APA Holding”in prezidenti Vüsalə Mahirqızı, millət vəkili Aqil Abbas, yazıçı Afaq Məsud, Lent.az informasiya portalının baş direktoru Qabil Abbasoğlu və başqaları iştirak edib.

V.Mahirqızı bildirib ki, müsabiqə uğurla başa çatdırılıb və istedadı olan gənclər öz potensialını bu müsabiqə vasitəsilə reallaşdırıblar: “Bu müsabiqədən sonra Kulis.az internet dərgisinin istifadəçi sayı iki dəfə artdı ki, bu da müsabiqənin oxucular arasında böyük marağa səbəb olduğunu göstərir. Gələcəkdə Kulis.az yeni layihələrlə oxucuların görüşünə gələcək”.

Tədbirdə çıxış edən Kulis.az-ın baş redaktoru Qan Turalı qeyd edib ki, müsabiqənin Facebook qalibi 3114 “like”la (“Zibanın nağılı”) Mehman Telmanoğludur.

Baş redaktor bildirib ki, Kulis.az mədəniyyət dərgisinin keçən il dekabr 13-də elan etdiyi “Ən qısa hekayə” müsabiqəsində ümumilikdə 472 hekayə çap olunub və iştirakçılar onlayn səsvermə ilə bəyəndikləri 3 hekayəyə səs veriblər.

Kulis.az müsabiqədə iştirak edən yazıçı Şərif Ağayara da xüsusi mükafat təqdim edib. Tədbirdə “Facebook” sosial şəbəkəsində keçirilən sorğunun qalibi Mehman Telmanoğlu (3114 “like”) və hekayəsi müsabiqədən kənar çap olunan yazıçı Afaq Məsud Kulis.az-ın xüsusi mükafatı ilə təltif olunub.

Kulis.Az mədəniyyət dərgisinin keçən il dekabr 13-də elan etdiyi “Ən qısa hekayə” müsabiqəsində ümumilikdə 472 hekayə çap olunub və iştirakçılar onlayn səsvermə ilə bəyəndikləri 3 hekayəyə səs veriblər.

Birinci yerin qalibi 300, ikinci yerin qalibi 200, üçüncü yerin qalibi 100 manat pul mükafatı ilə mükafatlandırılacaq.

Facebook sosial şəbəkəsində keçirilən sorğunun qalibi isə Kulis.az-ın xüsusi diplomu ilə təltif edilib.

• Bağçalardakı səssiz zorakılıq
• Sanballı tarixi-bioqrafik romanların müəllifi - O, hansı erməni millətçisini susdurmuşdu?
• İbrahim Tatlısesdən süni intellektlə yeni klip