Gecə biri oyaqdır!
Bir şeir yaz sağ əlim,
İçində sevgi olsun
Bolluca xoşbəxtlik qat,
Ac ruhum bəlkə, doysun.
Bir şeir yaz son dəfə,
Ağlasın içində qız
Tez-tez açım oxuyum,
Ərisin gözümdə buz.
Bir şeir yaz gecədən,
Səhərə işıq salan
Getsin yuxuya tezcə,
Bu biçarə ağlağan.
Sətirlər olsun qatar,
Aparsın xəyalları
Daha bizə kim batar,
Ey təkliyin adamı!
Hərdən yağışa dönüb,
Axsın damcı-damcı yaş
Mən çəkiləcəm geri,
Ruhumla özün dalaş!
Bir şeir yaz sağ əlim,
Sevginin gözü dolsun
Yağsın həsrət üstünə,
Bir azca hüzn olsun.
Bir gün kəsib atacam,
Sağ əl, səni kökündən
Gecə vaxtı çıxardın,
Ruhumu beşiyindən.
Tənhalıq nəğməsinin,
Notları baş-ayaqdır
Sus, qoy heç kəs bilməsin,
Gecə biri oyaqdır!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər