Bir az gülək, poza verək

Bir az gülək, poza verək
30 sentyabr 2013
# 16:30

Əsir çərpələnglər

Yazıb-silək,
Keçib-gedək,
Bir yalançı qafiyətək,
Qəlibinə düşməsə də,
Qəlbimizi peşkəş edək.
Yenə də cəng,
ölənədək...
Hər nə qədər cütləşdisə...
O qədər də təkləşərək,
ələk-vələk oldu ürək!

Bir az gülək,
Poza verək,
Şəkillərdə yaxşı düşək...
Ötüb-keçək...
Çəkildimi?
Şəkillərim də dərd kimi...
Gözlərimin parıltısı,
Yaşadırmış nisgilimi.
Yenə də bərk,
Yenə də tərk...
Atın tərki, silah tərki,
Ümid tərki, murad tərki...
Günahlarım tərk etməz ki...
Savablarım külək-külək.

Gah üzümə vuracaqmış,
Gah sərinlik verəcəkmiş...
Gah yerimdən qoparacaq,
Gah da yerə yıxacaqmış.
Dilim yüyrək,
Lap nağıltək...
Ta sənədək
Gələnədək...
Mən boşluqda yellənirəm,
Ya bilmirəm, sürünürəm...
Xəyallar azad quşsa da,
Arzular əsir çərpələng!

Nə olacaq,
nə gələcək?
Kömək etmir
"-acaq", "-əcək"...

# 2031 dəfə oxunub

Oxşar xəbərlər

Bir qrup şair var ki... - Şair xanımları bacı kimi sevənlər

Bir qrup şair var ki... - Şair xanımları bacı kimi sevənlər

14:30 28 aprel 2025
Gizli tapşırıq: “Boynuna qoyana qədər döyün!”

Gizli tapşırıq: “Boynuna qoyana qədər döyün!”

09:00 28 aprel 2025
Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
#
#
# # #