Çarlz Dikkensin homoseksualları!

Ədəbi tənqid

Ana səhifə
Ədəbi tənqid

Çarlz Dikkensin homoseksualları!

2 mart 2011

15:38

İngiltərənin Leyster Universitetinin akademiki Holi Förnex ədəbiyyat dünyasında mübahisə yaradan bir araşdırma aparıb. Förnexin araşdırmasına görə, ingilis yazıçısı Çarlz Dikkensin əsərlərinin çoxunda yaratdığı obrazların gizli homoseksual tərəfləri var. Buna misal olaraq isə “Böyük Ümidlər” (Great Expectations) əsərindəki Pip və Herbert obrazlarını göstərib.

Araşdırmalara görə, Çarlz Dikkensin kişi obrazları çox vaxt ən yaxın dostlarının bacılarına vurulurlar. Bu da yazıçının əhvalatlarının təməlində homoseksual elementlərin olduğuna arqument olaraq istifadə olunur. Viktoriya dövrünə dair tədqiqatlar aparan Förnex, o dövrdə Dikkensin hörmətli biri sayıldığından onun hər cür cinsəlliklə məşğul olması məlum olduğu halda belə, tarixi mənbələrdə bunun çox qabardılmamasını iddia edir.

Förnex, Dikkensin “Martin Çuzlevit” adlı əsərində də Con Vestlokun dostu Tom Pinçin bacısı Ruza vurulduğunu daha bir sübut kimi qeyd edir və əsərdən bir parça ilə fikirlərini izah edir: “Con Ruzla tanış olmamışdan əvvəl də onun nə qədər gözəl biri olduğunu təxmin edirdi. O, Ruzu Tomun gözəl bir qadın versiyasının olacağını xəyal edirdi”.