Məşhur mükafatın qalibi açıqlandı

Ədəbi tənqid

Ana səhifə
Ədəbi tənqid

Məşhur mükafatın qalibi açıqlandı

17 oktyabr 2012

10:05

İngilis yazıçı Hilari Mentel “Man Booker” tarixində iki dəfə qalib gəlmiş ilk qadındır.

Kulis.az “Guardian” qəzetinə istinadən xəbər verir ki, ona uğur gətirən “Bədənləri gətirin” adlı tarixi əsər Oliver Kromvelin həyatı trilogiyasının ikinci əsəridir. İlk “Booker”i də yazıçıya elə bu trilogiyanın birinci əsəri - “Canavar zalı” gətirib. Mentel trilogiyanın üçüncüsünü – “Güzgü və işıq” əsərini 2015-ci ildə bitirəcəyinə söz verib.

Mükafatı qəbul edəndə Mentel zarafatla: “20 il “Booker”i gözlədim və ikisi birdən gəldi”,- deyib.

Mükafatın jüri heyətinin başçısı ser Piter Stothard onu “müasir ingilis ədəbiyyatının ən böyük yazıçısı” adlandıraraq bunları əlavə edib: “Fəxr edirik ki, onun yazdığı dövrdə yaşayırıq. Burada başqa yaxşı əsərlər də vardı, amma heç biri ikinci dəfə oxumağa yaramırdı. Biz mükafatı elə əsərə veririk ki, onu on ildən sonra da oxucu əsərdə yeni və fərqli şeylər aşkar edə bilsin”.

Yazıçıdan 2009-cu ildə 50 min funt sterlinq dəyərindəki mükafatı nəyə xərcləyəcəyini soruşanda zarafatla “Seks, narkotik və rok`n`roll” desə də, bu il “qocalıq təqaüdüm kimi xərcləyəcəyəm” deyib.

Bildirək ki, mükafatın keçən ilki qalibi Culian Barns “Sonun yaxınlaşması hissi” əsəri ilə olub.

Günel Əsgərzadə