Xalq yazıçısı Əkrəm Əylisli “Toplum” jurnalına verdiyi müsahibədə başqa bir xalq yazıçısı Mövlud Süleymanlının haqqında sərt fikirlər səsləndirib.
Müsahibəni götürən Vahid Qazi yazıçı Anatoli Kuznetsovun sovet yazıçılarını siyasi mövqelərinə görə təsnifatını xatırladıb və bu təsnifatın Azərbaycan yazıçılarına aid edilməsinin mümkünlüyünü soruşub.
Əkrəm Əylisli deyib ki, bu təsnifatı Azərbaycan ədəbiyyatına tətbiq etmək, alınmayacaq. Fikrini əsaslandıran xalq yazıçısı bəzi yazıçıları, o cümlədən Mövlud Süleymanlını tənqid edərək deyib: “Bir vaxt mənim dəyirmanın donuzluğundan min bir müsibətlə dartıb çıxardığım, o vaxtkı “Dəyirman”ın müəllifi, sonralarsa hakimiyyətlər dəyişdikcə, Teleradio İdarəsində tez-tez dəyişən sədrlərin hər birinə illər boyu eyni sədaqətlə xidmət göstərən Mövlud Süleymanlını hansı təsnifata aid etmək olar? Yox, olmaz. Mümkün deyil”.
Kulis.az saytı məsələ ilə bağlı Mövlud Süleymanlının rəyini soruşub. Yazıçı Əkrəm Əylisli ondan qisas aldığını deyib: “Əkrəm Əylisli bir vaxtlar Rəsul Rzanı, Anarı indi məni təhqir etdiyi kimi təhqir edirdi. Məndən bu barədə soruşmuşdular. Mən də onun yaradıcılığı barədə bir-iki kəlmə söz demişdim ki, onun əsərlərində xarakter yoxdur. O mənim haqqımda pis sözlər deyə bilər, o belə adamdır. Əkrəmi yaxşı tanıyıram. Əkrəm həmişə məndən bir-iki addım öndə olub, ancaq mən ondan bir kəlmə də götürməmişəm, heç nə öyrənməmişəm”.
Ağa Cəfərli
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Bizim borcumuz mürgülü xatirələri oyatmaqdır... - Nüsrət Kəsəmənli "Avara" filminə baxanda niyə ağlamışdı?
10:00
29 dekabr 2025
Qarabağ həsrəti ilə dünyadan köçən Şahmar Əkbərzadə - Bəxtiyar Vahabzadə onun haqqında nə yazmışdı?
12:00
28 dekabr 2025
Corc Eliota çevrilən Marian Evans - O, hansı məşhur filosofdan təsirlənmişdi?
17:00
22 dekabr 2025
"Hər bədbəxt qadının arxasında başqa bir qadının imzası dayanır" - Qadınlar bir-birinin həyatını necə məhv edir?
15:00
22 dekabr 2025
"İçimizdə xortdan saxlayırmışıq!..” - Emili Bronte əsərində hansı ağlasığmaz ehtirasları təsvir etmişdi?
15:00
19 dekabr 2025
"Dünya şeytana papış tikən insanlarla dolub-daşır..." - Etimad Başkeçid
14:00
18 dekabr 2025
