Lənkəran Teatrında yeni tamaşa hazırlanır

Lənkəran Teatrında yeni tamaşa hazırlanır
13 may 2025
# 17:50

Lənkəran Dövlət Dram Teatrında yeni tamaşanın məşqlərinə başlanıb.

Kulis.az xəbər verir ki, klassik alman ədəbiyyatının zirvəsi sayılan Fridrix Şillerin "Məkr və Məhəbbət" əsəri əsasında hazırlanan yeni səhnə əsəri Azərbaycanın tanınmış teatr rejissoru, Azərbaycan və Kalmıkiya Respublikalarının Əməkdar incəsənət xadimi Bəhram Osmanovun quruluşunda təqdim olunacaq.

Tamaşanın quruluşçu rəssamı Fuad Babazadə, Musiqi tərtibatçısı Vüqar Fərəcov, rejissor köməkçisi Nuranə Nəcəfovadır.

Tamaşada xalq artisti Qabil Quliyev, əməkdar artist Sucəddin Mirzəyev, aktyorlar Miraslan Ağayev, Səyad Əliyev, Elçin Hacıyev, Saleh Əzimzadə,Məleykə Cəfərova, Gülər Kərimli, Ayşən Əsədova, Emil Rzayev, Teymur Hacızadə iştirak edirlər.

“Məkr və Məhəbbət” əsəri Alman romantizminin və "burjua faciəsi" janrının mühüm nümunələrindən biridir. Əsər ilk dəfə 1784-cü ildə səhnəyə qoyulub. Burada sosial riyakarlıqla şəxsiyyət azadlığı, təbəqələşmə ilə insan duyğuları arasında toqquşma mərkəz mövzusudur.

“Məkr və Məhəbbət” əsəri sevgi və cəmiyyətin sərt qanunları arasında qalmış iki gəncin — zadəgan ailəsindən olan Ferdinand və sadə musiqiçinin qızı Luizanın faciəvi məhəbbət hekayəsini nəql edir. Onların saf münasibəti hakimiyyət intriqaları, məkrli planlar və sosial bərabərsizliyin basqısı altında məhv olur. Əsər, məhəbbətin saf və yüksəldici gücünü göstərməklə yanaşı, hakimiyyət və fərdi azadlığın boğulması kimi mövzuları kəskin şəkildə tənqid edir. Şiller bu faciə vasitəsilə həm o dövrün ictimai quruluşuna qarşı etirazını bildirir, həm də insan ləyaqətinin müdafiəsini önə çəkir.

Əsər təbii, dramatik dialoqları və kəskin qarşıdurmaları ilə klassik alman dramaturgiyasının zirvələrindən sayılır.

# 3312 dəfə oxunub

Oxşar xəbərlər

Rusiyanın əfsanəvi teatr aktyoru vəfat etdi

Rusiyanın əfsanəvi teatr aktyoru vəfat etdi

13:22 21 noyabr 2026
Bizi “xaç suyu”na kim saldı?.. - Həmidə Nizamiqızı

Bizi “xaç suyu”na kim saldı?.. - Həmidə Nizamiqızı

18:23 19 noyabr 2026
Azərbaycan Dövlət Yuğ Teatrında yeni premyera

Azərbaycan Dövlət Yuğ Teatrında yeni premyera

19:37 14 noyabr 2026
Akademik Milli Dram Teatrı ilə Gəncə Dövlət Milli Dram Teatrı arasında Memorandum imzalandı

Akademik Milli Dram Teatrı ilə Gəncə Dövlət Milli Dram Teatrı arasında Memorandum imzalandı

15:18 14 noyabr 2026
“Xanuma” tamaşası 100-cü dəfə nümayiş olundu

“Xanuma” tamaşası 100-cü dəfə nümayiş olundu

13:24 13 noyabr 2026
“Kamança 20/20” tamaşasının məşqlərinə başlanıldı

“Kamança 20/20” tamaşasının məşqlərinə başlanıldı

12:18 13 noyabr 2026
Ana səhifə Reels Yazarlar Xəbərlər