Kulis məşhur xalq artistləri arasında “İsa Hüseynovun hansı əsərini oxumusunuz?” - mövzusunda sorğu keçirdib. Cavabları təqdim edirik.

Rəfail Dadaşov

- Əsərini niyə oxumalıyam ki? Filmlərdən tanıyıram.

Zemfira Nərimanova

- Bu, “Nizami”, “Nəsimi”, “Ulduzlar sönmür” filmlərindəki İsa Hüseynovdursa, ordan tanıyıram. Heç bir əsərini oxumamışam.

Cəfər Namiq Kamal

- Yadımda deyil.

Afaq Bəşirqızı

- Məktəb vaxtı oxumuşam. O vaxtı “Bizim qızlar” əsəri yadımdadır, sadəcə onun mövzuya qazaxlı kimi yanaşması xoşuma gəlmədi. Bu yaxınlarda “İlan dərəsi”ni oxudum, fəlsəfi-psixoloji əsər idi, çox dərin yazdığı üçün yaxşı anlaşılmırdı. Bir də “Teleqraf” povesti yadıma düşür. Amma onu deyim ki, İsa Hüseynov mənim stolüstü yazıçım deyil.

Nurəddin Mehdixanlı

- “İdeal”, “Məhşər”, “Şəppəli”, “Saz”. Çox əsərini oxumuşam.

İlham Namiq-Kamal

- Bütün əsərlərini oxumuşam. Məni imtahana çəkməyin.

Ramiz Məlik

- “İdeal” romanını o vaxt bir az oxudum, sonra xəstələndim, yarımçıq qaldı.

Ramiz Novruz

- Demək olar ki, bütün əsərlərini oxumuşam. “İdeal”, “Məhşər”, “Saz”, “Kollu Koxa”, “Şəppəli” povestləri.

“Bir azdan zəng edərsiniz” – deyən Firəngiz Mütəllimova sonrakı zənglərimizə cavab vermədi.

• Qırğızıstanda Azərbaycan Mədəniyyəti Günləri başlayır
• "İstanbul Beynəlxalq İdman Filmləri Festivalı” başlayır
• Azərbaycanlıları öldürən m*rc oyunları – Bu “killeri” kimlər göndərib?