İngiltərədə aparılan bir araşdırmada ilk dəfə xoşbəxtliyin maddi dəyəri ölçülüb.

London İqtisad Məktəbinin tədqiqatçıları insanları daha çox hansı növ fəaliyyətin xoşbəxt etdiyini araşdırıblar.

Hesablamalara görə sənət və mədəniyyətlə bağlı fəaliyyətlərlə yanaşı idman da insanlara illik gəlirlərində 5 min sterlinq (təxminən 5600 manat) qədər artım olması dəyərində xoşbəxtlik verir.

40 min ingilis ailəsində aparılan araşdırma “The Daily Telegraph” qəzetində dərc olunub. Yaş, səhhət və təhsil səviyyəsi kimi xoşbəxtliyə təsirli olan faktorlar xaric hansı fəaliyyət növünün insanları daha çox xoşbəxt etdiyi araşdırılıb.

Araşdırmaya görə insanı yaxşı hiss etdirən fəaliyyətlərin başında rəqs etmək dayanır. Bu xoşbəxtliyin pulla ekvivalenti təxminən 2200 manatdır.

Siyahıda rəqsdən sonrakı yerdə üzmək dayanır. Həftənin bir günü üzmək sizə maaşınızda 830 manat artım olmuş kimi hiss yaşadır. Üzmək – futbol və velosiped sürməkdən iki qat daha çox xoşbəxt edir insanı.

Rəqs, üzməkdən sonra üçüncü yerdə kitabxanaya getmək gəlir. Musiqiyə qulaq asmaq isə araşdırmaçıların təxminlərinin əksinə olaraq siyahıda əvvəldə deyil, daha sonrakı yerlərdə dayanır. Maddi dəyəri 742 manat.

Araşdırmada insanları xoşbəxt edən bu fəaliyyətlərin sağlamlıq baxımından da təsirli olması hesablanıb. Müntəzəm şəkildə mədəni fəaliyyətlə məşğul olan və idman edən şəxslərin digərlərinə nisbətən daha sağlam olması faktı da bu araşdırma ilə bir daha təsdiqini tapıb.

• Bir dəqiqəlik sükut ölüm məşqidir - Zaman Paşazadənin şeirləri
• Məni o kanala dəvət etdilər və aldatdılar
• Azərbaycanlı rejissor vəfat etdi