Frida Kahlo saxtadırmı?

Sənət

Ana səhifə
Sənət

Frida Kahlo saxtadırmı?

13 iyun 2011

16:44

Meksika Beynəlxalq Sərgisində nümayiş olunan rəssam Frida Kahlo əsərlərinin orijinallığı mübahisəyə səbəb olub.

Meksikalı rəssam Fridanın bilinməyən 1200 rəsm əsərlərindən ibarət sərgi nümayiş etdirilmişdi ki, bu da böyük marağa səbəb olmuşdu. Hətta Kahlonun bu əsərləri haqqında iki kitab da yazılmışdı.

Frida Kahlo Vəqfi isə bu rəsmləri saxta adlandırıb. Rəssamın yaşadığı evdə açıqlama verən araşdırmaçılar Fridanın bu qədər rəsm çəkdiyinə inanmadıqlarını deyiblər.

Rəssam avtomobil qəzasında ayağını itirdiyindən o ancaq yatağında rəsm çəkə bilib. Əsərlərinin əksəriyyəti avtoportretlərdir. Tədqiqatçılar Fridanın 400-500 əsəri olduğunu vurğulayıblar
Rəssamın evində toplanan mətbuat konfransına Fridanın əri Dieqo Riveranın ilk evliliyindən olan qızı Qvadalupe Rivera da qatılıb.
O, Kahlonun bir çox əsəri Dieqonun təşviqi ilə çəkdiyini deyib. Bundan əlavə, rəssam hər əsərə fərqli imzalar qoyurmuş. Yeni sərgilənən əsərlərdə Kahlonun imzasının olması saxtalıqlardan biri kimi qiymətləndirilib.

Frida Kahlo siyasi görüşləri və dünyanın müxtəlif yerlərində açılan sərgiləri ilə məşhurdur. O, avo-portretlərini yatağının üzərindən asdığı güzgüdə çəkib. Əsərləri haqda Pablo Pikasso: “Biz onun kimi insanın üz cizgilərini çəkə bilmirik” deyib.

Günel ƏSGƏRZADƏ