Sənət

İçək, ölən vətənin sağlığına!

İçək, ölən vətənin sağlığına!
1 noyabr 2012
# 14:54
banner
Tiflis

Tiflis,
Mən səndə yaşayıram,
Sən də məndə.
İkimizdə pis gündə.

***

Tiflis, səndə hamı boşdu,
Baxma hər gün dolu yağır.
Tiflis, səndən hamı qaçdı;
Kür dəli olub çöllərə düşdü,
Qalıb kasıb,
şikəst,
fağır...

***

Tiflis səndə paylayan yox,
Hamı çalır,
çapır,
yığır...
Həqiqət sonsuza dönüb,
Yalan ildə beşin doğur.
Tiflis, səndə qoyunları
Çoban yox, canavar sağır...

***

Tiflis, mindən çox yaşın var,
Özünü uşaq kimi aparırsan.

Tiflis, heç utanırsan?
Ev-eşiyini qızın saxlar,
Vicdan əzabı yeməkdən
Oğlunun dişləri laxlar...

***

Tiflis,
Mən səndə hər şirin çay içəndə
Acı çəkirəm.
Çünki səndə acı çəkənlər,
Gündə üç dəfə şirin çay içənlərdir.

***

Tiflis, sənin sakinlərin hərbi xidmətə getməsələr də,
Silah atmağı hər kəsdən yaxşı bacarırlar;
Səndə hamı qəpiyə güllə atır...

***

Tiflis, sənin sakinlərin axşam-səhər içirlər,
Amma kefdən yox,
Restoranda, evdə yox.
Küçədə, tində,
Pis gündə...
Və nə mənim sağlığıma,
Nə də sənin sağlığına.
Sənin sakinlərin axşam-səhər içirlər,
Ölən vətənin sağlığına!

***

Tiflis, vətən bizim üçün insanın doğulduğu yer yox,
Öldüyü yer də deyil.
Vətən bizim üçün insanın azad, azad, azad olduğu yerdir.
Vətən yalnız hündür, uca binaların tikildiyi yer yox,
Xaraba olmuş könüllərin abad olduğu yerdir.

Tiflis,
Səni and verirəm
Hər səhər məsum uşaqlarının üzündə batan günəşə,
Ya azad yaşa, bizi də azad et,
Ya da bu ölkədən çıx get...

Coşqun Cəfər
# 1935 dəfə oxunub

Oxşar xəbərlər

"Onun ayağında bir tay corab vardı..." - Hüseyn Cavidin məzarı necə tapılmışdı?

"Onun ayağında bir tay corab vardı..." - Hüseyn Cavidin məzarı necə tapılmışdı?

09:00 22 oktyabr 2024
Tamaşada insan əti kəsdilər, bişirib yedilər, cinsi əlaqəyə girdilər - Tamaşaçılar xəstəxanalıq oldu

Tamaşada insan əti kəsdilər, bişirib yedilər, cinsi əlaqəyə girdilər - Tamaşaçılar xəstəxanalıq oldu

12:46 18 oktyabr 2024
Psixatriya xəstəxanasına aparan yeraltı yol - Onun arvadını niyə oğurlamışdılar?

Psixatriya xəstəxanasına aparan yeraltı yol - Onun arvadını niyə oğurlamışdılar?

12:00 18 oktyabr 2024
"Konsertdən tez qayıtdı ki..." - Səxavət Məmmədov necə vəfat etmişdi?

"Konsertdən tez qayıtdı ki..." - Səxavət Məmmədov necə vəfat etmişdi?

17:00 16 oktyabr 2024
“Arvadımı xəyanətə görə tövləyə bağlamışdılar, mən onu döyə-döyə öldürdüm” – Xatirə

“Arvadımı xəyanətə görə tövləyə bağlamışdılar, mən onu döyə-döyə öldürdüm” – Xatirə

12:00 16 oktyabr 2024
Şayiə yayılır ki, tezliklə müharibə başlanacaq... - Öz evində artıq adama çevrilən leytenant

Şayiə yayılır ki, tezliklə müharibə başlanacaq... - Öz evində artıq adama çevrilən leytenant

09:00 16 oktyabr 2024
#
#
# # #
Canlı yayım