"Ağlım kəsəndən içəridəyəm..." - Salam Sarvan Rəşad Dağlıya şeir ithaf etdi

Salam Sarvan, Rəşad Dağlı

Salam Sarvan, Rəşad Dağlı

25 noyabr 2022
# 11:20

Kulis.az Salam Sarvanın yeni şeirini təqdim edir.


Rəşad Dağlıya xitab

Detektiv deyiləm...
Amma bilirəm axı:
nağara dərisindəki barmaq izləriylə
tərəzidəki barmaq izləri eyni adamındı.

Bilirəm axı:
həqiqət axtarışı peşəkarlıq istər –
lap elə mina axtarışı kimi.

Ona görə də qaxılıb oturmuşam yerimdə naşı kimi...
Otaqda neçə vaxtdı yerindən tərpədilməyən
bir şkafın cırıltısıynan “darıxıram” pıçıldayıram hərdən.

Hərdən də lüt gəzən hindunun
qınaq dolu baxışlarımıza cavabı səslənir qulaqlarımda:
“Mənim bütün bədənim mənim sifətimdi”.

Sənsə narahat olma, şair,
heç kəsin evi yıxılmır, əslində,
sadəcə, dekorasiya dəyişdirilir...
Axı biz tamaşa zalındayıq –
görmürsənmi işıqlar söndürülüb?!

Mən də ağlım kəsəndən içəridəyəm elə...
Məhbəsin dama-dama barmaqlığında
xəyali fiqurlarla şahmat oynayarkən
vurulmuş piyadaları barmaqlığın çöl tərəfinə də düzə bilərəm,
amma bilirəm axı, bir də oynamaq istəyəcəm.

Bilirəm axı cahan, onsuz da, dardı,
azadlıq yalnız “Azadlıq” sözü
meydana çaxanacan vardı...

Darıxanda bir anlıq
bayırda boy sırasıyla düzülmüş kütləviliklərə bax:
çəmənlik, zəmi, qamışlıq, qəbirastanlıq...

Və bir də Spartak üsyanından sonra
dirəklərə xaç şəklində mismarlanan qullar...
Öz oxu ətrafında fırlana-fırlana
azadlıq nəğməsi bağıran qapqara vallar.

Mənsə hələ də bilmirəm hansı daha yaxşıdı:
Aristotelin azadlığındakı gözqamaşdıran parıltı,
yoxsa Epikürün köləliyindəki təvazö?

Amma bilirəm axı:
dənizdən sahilə sıçrayan damcıların bəziləri
məhz bizim üst-başımızda quruyub yoxa çıxıb.

# 9071 dəfə oxunub

Oxşar xəbərlər

Sağ əlim sənin başına – Yeni şeirlər

Sağ əlim sənin başına – Yeni şeirlər

14:00 28 fevral 2023
Yuxularıma gələndə də saçlarını topla - Güneydən şeirlər

Yuxularıma gələndə də saçlarını topla - Güneydən şeirlər

17:00 27 fevral 2023
Sevgi vardır ki, dodaqlarda açar güllərini

Sevgi vardır ki, dodaqlarda açar güllərini

12:05 14 fevral 2023
Kimə inanıram aldadır məni - Loğmandan yeni şeirlər

Kimə inanıram aldadır məni - Loğmandan yeni şeirlər

17:00 13 fevral 2023
Kişiləri Allah özü qorusun... - Nəriman Həsənzadənin şeirləri

Kişiləri Allah özü qorusun... - Nəriman Həsənzadənin şeirləri

17:00 9 fevral 2023
Bir dostumuz olsaydı, satardıq – İlqar Fəhminin yeni şeirləri

Bir dostumuz olsaydı, satardıq – İlqar Fəhminin yeni şeirləri

17:00 30 yanvar 2023
# # #