Kulis.az ispan atalar sözlərini təqdim edir.
Axmaq balıq üçün düşmən – yemdir, balıqçı yox.
Üç şeyin çoxluğu və üç şeyin azlığı adama ziyandır: çox danışmaq və az bilmək, çox xəyal etmək və az iş görmək, çox xərcləmək və az qazanmaq.
Allah yuxudan tez duranları sevir.
Yaxşı qanunlar pis adətlərdən doğulub.
İstedadsız yazıçı günahı qələmdə görür.
Şeytan, şeytan olduğuna görə çox bilmir, şeytan qoca olduğuna görə çox bilir.
Axmaqlar bazara getməsəydi, çürük mallar satılmazdı.
Heç vaxt heç kimə müharibəyə getməyi və evlənməyi nəsihət etmə.
Qadına etməməli olduqlarını demək, ona nələr edə biləcəyini göstərməkdir.
İtlə yatan birəylə durar.
Qara əlləri ağ əlcəklə gizlədirlər.
Küləyə tüpürən üzünə tüpürər.
Qürurlu insandan soyunu soruşmazlar.
Sahibi çox olan eşşəyi axırda çaqqallar yeyir.
Arının yediyi bala dönər, hörümçəyin yediyi zəhərə.
Vərdişlər əvvəlcə hörümçək toru kimi olur, sonra qalın iplərə dönürlər.
Arvadı göstər, deyim əri necə adamdır.
Don Kixot olmaq üçün yola çıxan bir çox insan evə Sanço Panso kimi qayıtdı.
Qırılan ağacdan hərə bir budaq qoparar.
Gözəllik təbiətin qadınlara verdiyi ilk hədiyyə, eyni zamanda geri götürdüyü ilk şeydir.
Qorxuyla keçən həyat yarımçıq həyatdır.
