Kulis.az "Günün şeiri" layihəsindən Qulu Ağsəsin "O" şeirini təqdim edir.

Mən Onu yaxşı tanıyırdım,

Adam rayonundan idi -

• "İndi bunu arxayınlıqla demək olar ki, Niyazi Mehdi..." - Əli Abbasov
• Elton Con korluğundan danışdı: "Oğullarımla idman yayımları izləyə bilmirəm"
• Asəf Zeynallı kimdir?

əsli,

Mən Onu yaxşı tanıyırdım,

sözün də açığını sevməzdi -

əsla...

Mən Onu yaxşı tanıyırdım,

düşüncələri təzə şum kimi

alt-üst idi,

Mən Onu yaxşı tanıyırdım,

su da atmazdı arxadan -

o qədər dürüst idi...

Mən Onu yaxşı tanıyırdım,

az yazdı,

amma A-dan Z-yəcən çatardı AZ-ı,

Mən Onu yaxşı tanıyırdım,

Allahdan başqa,

hamıdan qorxurdu yazıq...

Mən Onu yaxşı tanıyırdım,

O, mənim hər şeyimdi...

Mən Onun yarısı,

Mən Onu çoxdan tanıyırdım,

Alın təriylə yazılmışdı

alın yazısı...

• "İndi bunu arxayınlıqla demək olar ki, Niyazi Mehdi..." - Əli Abbasov
• Elton Con korluğundan danışdı: "Oğullarımla idman yayımları izləyə bilmirəm"
• Asəf Zeynallı kimdir?