Xalq artisti Məlik Dadaşovun məzarı ziyarət olundu

Xalq artisti Məlik Dadaşovun məzarı ziyarət olundu
7 iyun 2024
# 16:00

Bu gün Xalq artisti Məlik Dadaşovun anadan olmasının 100-cü ildönümü tamam olur.

Kulis.az xəbər verir ki, bu münasibətlə Mədəniyyət Nazirliyinin nümayəndələri, tanınmış mədəniyyət və incəsənət xadimləri, sənətkarın ailə üzvlərinin iştirakı ilə İkinci Fəxri xiyabanda Xalq artistinin məzarı ziyarət olunub.

Anım mərasimində çıxış edən mədəniyyət nazirinin müavini Murad Hüseynov deyib ki, Azərbaycan aktyor məktəbinin orta nəslinə mənsub olan Məlik Dadaşov teatrda onlarla obraza səhnə həyatı verib, elə kinoda da yaddaqalan, maraqlı rollar yaradıb. O, təkcə Azərbaycanda deyil, bütün dünyada xalqımızı təmsil edən nadir sənətkarlardan olub. Yüksək intellektə, mədəniyyətə malik, aktyor sənətinin yüksək texnikasına yiyələnmiş bu sənətkar bir-birindən maraqlı, bənzərsiz rollar yaradıb.

Azərbaycan Dövlət Film Fondunun direktoru, Əməkdar incəsənət xadimi Cəmil Quliyev qeyd edib ki, görkəmli aktyor Məlik Dadaşov “Birisi gün, gecəyarısı”, “O dünyadan salam”, “Fəryad”, “Hacı Qara” kimi filmlərdə yaddaqalan və maraqlı obrazlara ekran həyatı verib. O, həm komediyalar, həm dramatik və faciə xarakterli obrazlar, həm də lirik-psixoloji rollarda böyük fərqli obrazlar yaratmaqla tamaşaçıların yaddaşında silinməz izlər qoyub.

Məlik Dadaşovun Azərbaycan aktyorluq məktəbinin formalaşmasında xüsusi xidmətləri olduğunu vurğulayan Azərbaycan Dövlət Akademik Milli Dram Teatrının bədii rəhbəri, Əməkdar incəsənət xadimi Mehriban Ələkbərzadə deyib: “Elə aktyorlar var ki, onlar haqqında sıradan birisi kimi danışmaq mümkün deyil. Məlik Dadaşov da əvəzolunmaz imzalar və dəyərlərdən biridir. Onu fərqli edən aktyorluğu, intellekti, görünüşü və səs tonu idi”.

Azərbaycan Dövlət Akademik Rus Dram Teatrının direktoru, Əməkdar mədəniyyət işçisi Ədalət Hacıyev Məlik Dadaşovun Azərbaycan aktyorluq məktəbinin formalaşmasında xüsusi xidmətləri olduğunu bildirib. "Aktyor ömrünün son illərində S.Vurğun adına Rus Dram Teatrında çalışıb. Bu teatrda direktor kimi çalışdığı dövrdə teatrın repertuarı xeyli zənginləşib, buraya yeni yaradıcı qüvvələr cəlb olunub. 1980-ci illərdən Azərbaycan Dövlət Mədəniyyət və İncəsənət Universitetində aktyor sənətindən dərs də deyib", - deyə əlavə edib.

Sonda Xalq artisti Brilliant Dadaşova mərhum sənətkarın ailəsi adından hər kəsə öz təşəkkürünü bildirib.

# 936 dəfə oxunub

Oxşar xəbərlər

Məşhur Hollivud ulduzu dünyasını dəyişdi

Məşhur Hollivud ulduzu dünyasını dəyişdi

23:13 3 iyul 2025
"Bakıda yaşaya bilmədim deyə Şamaxıya köçdüm" - Şəhriyar del Gerani

"Bakıda yaşaya bilmədim deyə Şamaxıya köçdüm" - Şəhriyar del Gerani

23:05 3 iyul 2025
Almaxanım:  “Kimin toyu daha çoxdur, mənim ya filankəsin?”

Almaxanım: “Kimin toyu daha çoxdur, mənim ya filankəsin?”

17:19 3 iyul 2025
“Milli Qəhrəmanlarımız”  layihəsi davam edir

“Milli Qəhrəmanlarımız” layihəsi davam edir

16:52 3 iyul 2025
Kamal Abdullanın yeni kitabı çap olundu

Kamal Abdullanın yeni kitabı çap olundu

16:23 3 iyul 2025
Tolstoyun qızının rəsmləri  "Yasnaya Polyana"dakı sərgidə

Tolstoyun qızının rəsmləri "Yasnaya Polyana"dakı sərgidə

16:00 3 iyul 2025
#
#
# # #