“Qazax nəsri” antologiyasi nəşr edildi

“Qazax nəsri” antologiyasi nəşr edildi
30 iyun 2022
# 17:00

İyulun 2-də iki Azərbaycan Resublikası ilə Qazaxıstan Respublikası arasında diplomatik münasibətlər qurulmasının 30 ili tamam olur.

Kulis.az xəbər verir ki, “Qanun” nəşriyyatında çapdan çıxan 608 səhifəlik “Qazax nəsri” antologiyası da bu əlamətdar hadisəyə həsr olunub. Qazaxıstan Respublikasının Azərbaycandakı Səfirliyinin dəstəyi ilə işıq üzü görən antologiyanın tərcüməçisi və tərtibçisi Nəriman Əbdülrəhmanlı, redaktoru isə Mahir Qarayevdir.

Azərbaycan oxucularına təqdim edilən “Qazax nəsri” antologiyası xalqlarımız və ədəbiyyatlarımız arasındakı əlaqələri daha da möhkəmləndirmək yolunda atdığımız addımlardan biridir. Antologiyaya böyük Abaydan başlamış 2000-ci illərdə ədəbiyyata gələn gənc ədəbi nəslin mümayəndələrinədək 54 yazıçının yaradıcılığından seçmə nümunələr daxil edilib. Abayın “Qara söz”ündən parçalar, Şakərimin pritçaları, qüdrətli söz ustası Muxtar Auezov ilə yanaşı, Abiş Kekilbayev, Muxtar Mağauin, Kabdeş Jumadilov, Kalixan İskakov, Saken Junusov, Akim Tarazi, Sain Muratbekov, Dulat İsabekov, Oralxan Bökey, Dukenbay Dosjanov, Sətimjan Sanbayev, Rollan Seysenbayev, eyni zamanda, qazax nəsrinin müstəqillik dövrü nümayəndələrinin əsərləri Azərbaycan oxucusunun mənəvi aləminin zənginləşməsində sanballı rol oynayacaq.

Müəlliflər haqqında dolğun bioqrafik məlumatların təqdim olunması isə antologiyanın sanbalını daha da artırır. Onu da qeyd edək ki, oxucular antologiyadakı yazıçıların əksəriyyətinin yaradıcılığı ilə ilk dəfə tanış olmaq fürsəti qazanacaqlar.

Qazaxıstan Respublikasının Azərbaycandakı Səfiri Serjan Abdıkərimovun təşəbbüsü ilə araya-ərsəyə gələn bu antologiyadakı əsərlər Azərbaycan oxucularının əlindən tutub qardaş qazax xalqının qüdrətli ruhuna, zəngin mədəniyyətinə, zərif dünyaduyumuna çox maraqlı və sehirli səyahətə çıxaracaq.

“Qazax nəsri” antologiyası oxuculara iyul ayında təqdim olunacaq.

# 1765 dəfə oxunub

Oxşar xəbərlər

Şəhər işıqlıdır, amma ümidli deyil...  - Bakı ilə necə yadlaşdıq?

Şəhər işıqlıdır, amma ümidli deyil... - Bakı ilə necə yadlaşdıq?

15:00 14 sentyabr 2025
Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

Çadrasını atan inqilabçı qadınlar... - Cəfər Cabbarlı niyə Sevili azərbaycanlı qızın oynamasını istəyirdi?

10:00 14 sentyabr 2025
Şamaxıda Üzüm və Şərab Festivalı start götürür

Şamaxıda Üzüm və Şərab Festivalı start götürür

16:30 13 sentyabr 2025
İran və Azərbaycan qarşılıqlı mədəniyyət günləri keçirəcək

İran və Azərbaycan qarşılıqlı mədəniyyət günləri keçirəcək

16:05 13 sentyabr 2025
Orxan Pamuk yeni romanını yekunlaşdırmaq üzrədir

Orxan Pamuk yeni romanını yekunlaşdırmaq üzrədir

14:05 13 sentyabr 2025
"Coldplay" Vembley stadionunun tamaşaçı rektordunu qırıb

"Coldplay" Vembley stadionunun tamaşaçı rektordunu qırıb

13:05 13 sentyabr 2025
#
#
Ana səhifə Yazarlar Bütün xəbərlər