Məşhurlara qarşı aparılan narkotik istintaqı çərçivəsində saxlanılan və test nəticələri müsbət çıxan müğənni Yusuf Güney bu dəfə də qalmaqallı açıqlamaları ilə diqqət çəkib.

Kulis.az xəbər verir ki, test nəticəsindən sonra verdiyi ilk açıqlamada özünü müdafiə edən sənətçi utanılacaq heç nə etmədiyini deyib:

"Bu ölkənin 80 faizi narkotik aludəçisidir. Mənim yaşadıqlarımın zərrəsini yaşayın, sonra danışın. Hələ də bir oyunun içində olduğunuzu görmürsünüz”.

Daha əvvəl astral səyahət etdiyini, hətta Andromeda qalaktikasında 100 yaşında sevgilisinin olduğunu iddia edən Yusuf Güney bu dəfə isə sosial şəbəkədə açdığı canlı yayımda evinə “cin tayfası” göndərildiyini deyib.

Müğənninin sözlərinə görə, hər şey 35 yaşında Ağrı şəhərindəki konsertindən sonra başlayıb:

“Astral səyahətimdən sonra bədən və zaman xaricinə keçid etdim. Əvvəl görünən varlıqlarla qarşılaşdım. Onlar mənim danışmağımı istəməyənlər idilər. Sonra gördülər ki, susmuram, bu dəfə evimə cin tayfası göndərdilər. Məqsədləri məni dəli etmək idi. Evdə oturanda gəlirdilər, onları görürdüm”.

Əvvəlcə qorxduğunu, amma zamanla yaşadıqlarına öyrəşdiyini deyən müğənni başına gələnlərin həyatına ciddi təsir etdiyini vurğulayıb:

“Adlarını deyən varlıqlar var idi. Lədün elmini bilənlər bilir, insanlara kömək edən cinlər də mövcuddur. Ağlınızın qəbul edə bilməyəcəyi şeylər yaşadım. İşimə fokuslana bilmirəm. ‘Niyə mahnı yazmırsan?’ deyirsiniz. Bunları yaşayan insan necə mahnı yazsın? Evdə yaşadıqlarımı bilsəniz… Pişiyi belə dəli etdilər”.

Qeyd edək ki, məşhurlara qarşı narkotik istintaqı davam edir.

• Leylinin Məcnunluğu - Fəxri Uğurlunun hekayəsi
• ADMİU-da İncə və Sənət təqdim edildi
• "Bunker" filminin ulduzu vəfat etdi