İstanbulun 19-cu əsrə aid tarixi abidələrindən olan və uzun illər baxımsız qalan Kuyumcu Karvansarası "İBB miras" tərəfindən aparılan bərpa işlərindən sonra şəhər araşdırmaları mərkəzi kimi istifadəyə verilib.
Kulis.az xəbər verir ki, Beyoğlu Pərşənbə Bazarında yerləşən dördmərtəbəli tarixi tikili bundan sonra şəhər tarixinin araşdırılmasına, elmi fəaliyyətlərə və 2 min 200 nüsxəlik zəngin kitabxanaya ev sahibliyi edəcək.
Açılış mərasimində İstanbul Böyükşəhər Bələdiyyəsinin sədr vəkili Nuri Aslan, Ankara Böyükşəhər Bələdiyyə sədri Mansur Yavaş və İBB Baş katibinin müavini Mahir Polat iştirak ediblər.
Yenilənmiş mərkəz Tarix Vəqfi, Tarixi Şəhərlər Birliyi, TAÇ Vəqfi və "İBB Miras" kimi mühüm qurumları bir yerə toplayaraq tədqiqatçılar üçün birgə iş mühiti yaradır.
19-cu əsrdə Qalata və Pərşənbə Bazarının ticarət həyatında mühüm rol oynamış Kuyumcu Karvansarasının bərpası zamanı onun orijinal strukturu qorunub, sonradan edilən əlavələr təmizlənərək bina yenidən şəhər həyatına qazandırılıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər