"İnsan ağlı həqiqətdən daha çox yalana inanmağa meyillidir..." - Rotterdamlı Erazm

"İnsan ağlı həqiqətdən daha çox yalana inanmağa meyillidir..." - Rotterdamlı Erazm
28 oktyabr 2026
# 14:00

Bu gün ilahiyyatçı, alim, yazar və mütəfəkkir Rotterdamlı Erazmın doğum günüdür.

Kulis.az onun əsərlərindən müəyyən fikirləri təqdim edir.

Bir millətin əsas ümidi gənclərinin düzgün tərbiyəsindədir.

***

Əvvəlcə ən yaxşı kitabları oxu. Əsas məsələ nə qədər çox bilməyin deyil, bildiklərinin keyfiyyətidir.

***

İnsan ağlı həqiqətdən daha çox yalana inanmağa meyillidir.

***

Günümüzün əksər hökmdarlarını göz önünə gətirin: qanundan bixəbər, xalqının mənafeyinə az qala düşmən kəsilmiş, ancaq şəxsi rahatlığını düşünən, həzz düşkünü, elmin, azadlığın və həqiqətin qənimi, vətəninin maraqlarına zərrə qədər önəm verməyən, hər şeyi yalnız öz mənfəəti və istəkləri ilə ölçən bir insan.

***

İşıq saç, zülmət öz-özünə yox olub gedəcək.

***

Xoşbəxtliyin əsas şərti budur: kim olduğunu qəbul edib elə o cür də qalmaq istəmək.

***

Zülmə göz yuman hər kəs bu cinayətin şərikinə çevrilir.

***

Filosofların cəhalət, aldanış, saxtakarlıq və nadanlıq içində yaşamağın ancaq bədbəxtlik gətirəcəyini iddia etdiklərini eşidir kimiyəm; halbuki bu, bədbəxtlik deyil, insan təbiətinin özüdür.

***

Məsihə bənzəmək əzmimiz elə güclü olmalıdır ki, başqa işlərə vaxtımız belə qalmasın.

***

Korlar ölkəsində təkgözlü insan padşah olar.

***

Mən bu kilsəyə bir gün daha yaxşı olacağına ümid edərək dözürəm, necə ki o da mənim nə vaxtsa daha yaxşı olacağıma ümid bəsləyərək mənə dözməyə məcburdur.

***

Bölüşülməyən nemətin sevinci də olmaz.

***

Müharibə dadını bilməyənlərə şirin gələr.

***

Mismarı başqa bir mismarla çıxararlar. Vərdişə yalnız başqa bir vərdişlə qalib gəlmək olar.

***

Səndən məsləhət istəməyincə, nəsihət verməyə tələsmə.

***

Gizlədilən istedada heç kəs hörmət etməz.

***

Xəstəliyin qarşısını almaq onu müalicə etməkdən daha yaxşıdır.

***

Qartallar milçək ovlamaz.

***

Bir ağızdan çıxan söz yüz qulağa çatar. Gözəl danışacaq qədər fərasətə sahib olmamaq böyük bir bədbəxtlikdir.

***

Günah işləməyən kəs günahkarların ən böyüyüdür.

***

İnsanların bir-biri haqqında verdiyi hökmlər qədər deyingən və qərəzli heç nə yoxdur.

# 443 dəfə oxunub

Oxşar xəbərlər

44 - Anar Şamilin yeni hekayəsi

44 - Anar Şamilin yeni hekayəsi

12:08 10 noyabr 2026
Banan balığının asan ovlanan günü - Müharibə haqqında təsirli hekayə

Banan balığının asan ovlanan günü - Müharibə haqqında təsirli hekayə

11:16 8 noyabr 2026
"Qocalmaq ehtirasdan şəfqətə keçməkdir..." - Alber Kamünün sitatları

"Qocalmaq ehtirasdan şəfqətə keçməkdir..." - Alber Kamünün sitatları

10:00 7 noyabr 2026
"Qat-qat sənət həyatı çılpaqlaşdırır..." - Robert Musil

"Qat-qat sənət həyatı çılpaqlaşdırır..." - Robert Musil

15:31 6 noyabr 2026
"Biz özümüzə danışdığımız hekayələrə çevrilirik..." - Pulitserli yazıçıdan sitatlar

"Biz özümüzə danışdığımız hekayələrə çevrilirik..." - Pulitserli yazıçıdan sitatlar

13:56 6 noyabr 2026
İspandilli ədəbiyyatın ən böyük mükafatı qadın yazıçıya verildi

İspandilli ədəbiyyatın ən böyük mükafatı qadın yazıçıya verildi

14:54 5 noyabr 2026
#
#
Ana səhifə Reels Yazarlar Xəbərlər