UNESCO-nun Baş Konfransı çərçivəsində noyabrın 17-19-da keçirilən Mədəniyyət Komissiyası öz işini yekunlaşdırıb.

Mədəniyyət Nazirliyindən APA-ya verilən məlumata görə, UNESCO-nun bütün üzv ölkələrinin və müşahidəçi statusda olan təşkilatların da iştirak etdiyi Komissiyanın iclası Azərbaycan Respublikası Mədəniyyət Nazirliyinin aparat rəhbəri Vasif Eyvazzadənin sədrliyi ilə keçib.

İclas zamanı Yerusəlim ilə bağlı 40-cı Baş Konfransın 43 saylı qətnaməsi və işğal olunmuş ərəb ərazilərində təhsil və mədəniyyət müəssisələrinin vəziyyətinə dair 67 saylı qətnamənin icra vəziyyəti, UNESCO-nun 2022-2025-ci illər üçün Proqram və büdcə layihəsini, 2022-2029-cu illər üçün Öncə Afrika Əməliyyat strategiyası, mədəniyyətlə bağlı konvensiyaların icra vəziyyəti , Qanunsuz olaraq ölkədə çıxarılmış mədəni mülkiyyətin geri qaytarılması ilə bağlı hökumətlərarası komitənin 2020-2021-ci illərdə fəaliyyəti ilə bağlı hesabat, Qeyri-maddi mədəni irs üzrə hökumətlərarası komitənin fəaliyyət hesabatı, Mədəniyyətin təbliği üzrə Beynəlxalq Fondun 2020-2021-ci illər üzrə hesabatı, həmçinin Ümumdünya İrs Komitəsinin 2020-2021-ci illər üzrə hesabat, eləcə də UNESCO Konvensiyalarının müvafiq komitələrinin fəaliyyət presuderlarının harmonizasiyası ilə bağlı sənəd qəbul edilib. İclas zamanı debatlarda ümumlikdə 120-dən çox üzv ölkə və bir sıra müşahidəçi təşkilatlar bir sıra məsələlərlə bağlı çıxış etmiş və qərarların qəbul edilməsi prosesinə töhfələr veriblər.

İclasın məhz Azərbaycanın sədrliyi ilə keçirilməsi ölkəmizin beynəlxalq nüfuzunun və çöxtərəfli əməkdaşlıq proseslərində fəal mövqeyinin göstəricisidir.

Səfər çərçivəsində Vasif Eyvazzadə Azərbaycan Respublikası Prezidentinin Bakı Prosesi təşəbbüsü, Ümumdünya Mədəniyyətlərarası Dialoq Forumu və Mədəniyyət naminə Sülh Qlobal Kampaniyası ilə bağlı UNESCO rəsmiləri ilə görüşlər keçirib. Görüşlərdə beynəlxalq səviyyədə mədəniyyətlərarası dialoq və mübadilələr, sülh və mədəniyyətin qarşılıqlı təbliği, irqçilik və ekstermizmə qarşı mübarizə sahələrində Azərbaycan ilə UNESCO arasında əməkdaşlığın gücləndirilməsinin vacibliyi vurğulanıb.

• Haluk Leventin dərnəyi ilə bağlı 22 nəfər saxlanlıdı
• Səni özüm sanaram - Nəbi Xəzri
• Əsir düşdü, əsərləri yandırıldı – Müharibə əleyhdarı rəssam