27 noyabr 2025-ci ildə AMEA Nizami Gəncəvi adına Ədəbiyyat İnstitutunun Müstəqillik dövrü Azərbaycan ədəbiyyatı şöbəsində “Yeni ədəbiyyatı tanıyaq” layihəsi çərçivəsində mövsümün ilk müzakirəsi keçirilib.
Kulis.az xəbər verir ki, tədbir yazıçı Vüqar Vanın “Hardasa olardı 13-14 yaşım” romanı və “Çağdaş Azərbaycan ədəbiyyatında avtofiksiya” mövzusuna həsr olunub.
Müzakirəyə AMEA-nın müxbir üzvü Tehran Əlişanoğlu, filologiya üzrə fəlsəfə doktoru Mətanət Vahid (moderator), filologiya elmləri doktoru Salidə Şərifova, yazıçı Mənzər Niyarlı, doktorantlar Hənifə Səlifova və Səbirə Müzəffərli qatılıblar.
Tədbirin qonaqları arasında yazıçılar İlham Əziz, Orxan Həsəni, Orxan Saffari, Şəhriyar Del Gerani, Hədiyyə Şəfaqət, Gülnar Əhməd və romanın müəllifi Vüqar Van da iştirak ediblər.
Qeyd edək ki, müzakirə zamanı əsərdə avtofiksiyanın təzahürləri, müəllifin özünütanım və yaddaş qatlarını ədəbi formaya çevirmə üsulları, həmçinin əsərin çağdaş Azərbaycan nəsri ilə əlaqəsi müzakirə olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər