Daha yalvarma mənə qaraçı nəğməsi tək - Aleksandr Blokun şeirləri

Daha yalvarma mənə qaraçı nəğməsi tək -  Aleksandr Blokun şeirləri
28 noyabr 2025
# 10:11

Bu gün görkəmli rus şair Aleksandr Blokun doğum günüdür.

Kulis.az onun şeirlərini təqdim edir.

Vurğunam, aşiqəm...

Vurğunam, aşiqəm, gəncəm, cavanam,
Qəlbimdə həm arzu, həm hicran, həm qəm.
Bir yaşıl, sehirli ağcaqayınam,
Elə sənə sarı əyiləcəyəm.

Külək yarpaqların keçər üstündən,
Titrər yalvarışdan ağacın kökü.
Sənin ulduzlara baxan gözündən,
Ətirli göz yaşı axar zər kimi.

Tez-tez göy çadıra durub gələrsən,
Yuxulu günlərdə, solğun günlərdə.
Baxaram mehriban libasına mən,
Susaram heyrətli düşüncələrdə.

Sən mənə vurğunsan, mən sənə vurğun,
Sehirli gününəm, sirli ayınam.
Səninlə bilmirəm nə qəm, nə qorxu,
Səninlə bir yaşıl ağcaqayınam.

(Tərcümə: Cabir Novruz)

Bağışla

Hamıdan gözəl idin,
Hamıdan etibarlı,
Daha dil tökmə mənə
Daha yalvarma mənə.
Qaraçı nəğməsitək
Uçur ömür qatarı
Sovuşan günlərimtək
Çətin geriyə dönə.
Keçdi, getdi, ötüşdü,
Nə ki, qəlbə əzizdi.
İrəlidə naməlum yollar
Durar, bağışla.
Xeyir-dua verirəm,
Unudulmaz, əzizim
Cavanlıq nə hay verər,
Nə qayıdar, bağışla.

(Tərcümə: Eyvaz Borçalı)

# 1721 dəfə oxunub

Oxşar xəbərlər

"Göyqurşağını ilmə-ilmə toxuyanı tanıyıram..." - Ullie Kayenin şeiri

"Göyqurşağını ilmə-ilmə toxuyanı tanıyıram..." - Ullie Kayenin şeiri

16:39 17 noyabr 2026
"Yollar bir-birini tanıyırdı hələ..." - Enn Karsonun şeirləri

"Yollar bir-birini tanıyırdı hələ..." - Enn Karsonun şeirləri

11:31 15 noyabr 2026
Tutmuş gözü məni, elə bil çöldə ov tutur - Qəzəllər

Tutmuş gözü məni, elə bil çöldə ov tutur - Qəzəllər

13:47 12 noyabr 2026
"Dostların üzlərini su pərdəsi arxasından görmək..." - Tadeuş Borovskidən "Çayın adları"

"Dostların üzlərini su pərdəsi arxasından görmək..." - Tadeuş Borovskidən "Çayın adları"

12:32 12 noyabr 2026
"Təkcə hissələrinin cəmindən ibarət deyilmiş var olan..." -  Əli Şirin Şükürlünün metamodern şeirləri

"Təkcə hissələrinin cəmindən ibarət deyilmiş var olan..." - Əli Şirin Şükürlünün metamodern şeirləri

15:00 11 noyabr 2026
"Qoy, mən də gəlim səninlə..."  - Yannis Ritsosdan şeirlər

"Qoy, mən də gəlim səninlə..." - Yannis Ritsosdan şeirlər

13:00 11 noyabr 2026
#
#
Ana səhifə Reels Yazarlar Xəbərlər