Hidayət Elnur Məmmədli kimi olmasın

Hidayət Elnur Məmmədli kimi olmasın
30 iyul 2024
# 21:00

Kulis.az Ülvi Bahadırın yeni yazısını təqdim edir.

“Hidayət Heydərov Olimpiya çempionu oldu”.

Axşam yorğun-arğın evə qayıda rast oldum bu xəbərə…

Bir anda hər şey aydınlandı sanki. “Forrest Qamp” filminin qəhrəmanı kimi bədənimdəki bütün yorğunluq zəncirlərini qırdım…

Ancaq bu hiss mənə də, elə sənə də tanışdır.

Biz bu hissi 2008-ci ildə də yaşamışdıq Elnur Məmmədli sayəsində…

***

Bu qələbənin dadı isə başqadır.

Bu qələbə böyük qələbəmizdən, torpaqlarımızın azad olunmasından sonra Parisdə qazanıldı.

2020-ci ildə ordumuz qələbənin mahiyyətini dəyişdi.

Bütün qələbələrimiz yarımçıq idi ona qədər…

Bu dəfə isə bütün Azərbaycan ürəkdən sevindi.

Himnimiz Parisdə səsləndi.

Hidayətin gözlərindəki qürur bu qələbənin rəsmi idi.

Elnur Məmmədli ilə fotosu diqqətimiz çəkdi.

Saçları tökülmüş Elnur Məmmədli…

Açığı, ilk dəfədir onu belə görürdüm.

Yaddaşımın duru yerində tamam başqa fotosu asılı idi Elnurun.

Yəqin ki, elə o foto ilə də qalacaq yaddaşımızda.

Elnura o illərdə böyük inam var idi. Hamı qələbənin davamını gözləyirdi ondan…

Ancaq olmadı, alınmadı.

Tək onda deyil, əksər idmançımızda vəziyyət eynidi. Bütün qələbələrimiz biratımlıqdır.

Qələbədən sonra bir arxayınlıq yaranır.

“Elədiyimi elədim” düşüncəsi…

Başqa ölkələrdən olan idmançılara baxıram, eləsi var 3-cü, 4-cü dəfədir qatılır Olimpiadaya.

Çempion da olublar ha. Ancaq yenə də davamını gətirmək istəyirlər.

Heç nə bitməyib onlar üçün.

Düzdü, bizdə də Mariya Stadnik 5-ci dəfədir qatılır Olimpiadaya.

O da Ukrayna ruhunun sayəsində.

***

Ümid eləyirəm ki, Hidayət bu tilsimi qıracaq.

Qələbələrinin davamını gətirəcək.

Bayrağımız hələ çox səmalarda dalğalanacaq.

Himnimiz hələ çox ürəklərdə döyünəcək.

# 6755 dəfə oxunub

Oxşar xəbərlər

Bəstəkar Elmir Mirzəyevin kitabı Almaniyada nəşr edildi

Bəstəkar Elmir Mirzəyevin kitabı Almaniyada nəşr edildi

12:00 18 sentyabr 2025
Xalq artisti:   "O, dünya musiqi xəzinəsinin bir parçasına çevrilib"

Xalq artisti: "O, dünya musiqi xəzinəsinin bir parçasına çevrilib"

11:40 18 sentyabr 2025
Nəzakət Teymurova:  "Hər kişi qəbul etmir ki, xanımı ifaçı olsun" - Müsahibə

Nəzakət Teymurova: "Hər kişi qəbul etmir ki, xanımı ifaçı olsun" - Müsahibə

11:39 18 sentyabr 2025
Dima Bilan  məşhur cizgi filmində...

Dima Bilan məşhur cizgi filmində...

11:28 18 sentyabr 2025
Milli Musiqi Günündə Üzeyir Hacıbəylinin məzarı ziyarət edilib

Milli Musiqi Günündə Üzeyir Hacıbəylinin məzarı ziyarət edilib

11:28 18 sentyabr 2025
Uitni Hyustonun səsi ilə yeni konserti turu  - Süni intellekt vasitəsilə...

Uitni Hyustonun səsi ilə yeni konserti turu - Süni intellekt vasitəsilə...

11:20 18 sentyabr 2025
#
#
Ana səhifə Yazarlar Bütün xəbərlər