Heydər Əliyev Fondu Nəvvaba həsr olunan kitab və sərgi təqdim edir

Heydər Əliyev Fondu Nəvvaba həsr olunan kitab və sərgi təqdim edir
17 may 2023
# 13:35

Qarabağ ədəbi mühitinin görkəmli nümayəndələrindən biri - istedadlı şair, rəssam, musiqişünas, filosof, pedaqoq Mir Möhsün Nəvvabın (1833-1918) bu il anadan olmasının 190 ili tamam olur.

Kulis.az APA-ya istinadən xəbər verir ki, bu günlərdə Şuşada əsaslı bərpa işlərindən sonra açılan Yuxarı Gövhərağa məscidinin ərazisindəki mədrəsə binasında Heydər Əliyev Fondu tərəfindən təqdim olunan “Mir Möhsün Nəvvab Qarabaği – XIX əsrin ensiklopedik alimi” adlı sərgi, “Mir Möhsün Nəvvabın silah kolleksiyası və Şuşada silah istehsalı” adlı nəşr və Nəvvabın Şuşa işğal altında olduğu illərdə ermənilər tərəfindən dağıdılmış qəbirüstü abidəsinin bərpası Azərbaycan mədəni irsinin və tarixinin yaşadılmasına növbəti töhfə oldu.

Mir Möhsün Nəvvab Qarabağiyə həsr olunmuş sərgi bir vaxtlar onun minarəsinin ornamentlərini işlədiyi Yuxarı Gövhərağa məscidi ərazisindəki mədrəsə binasında təqdim edilir. Sərgidə Nəvvabın Milli Azərbaycan Tarixi Muzeyində qorunan və XVIII–XIX əsrlərə məxsus Azərbaycan silah sənətini özündə təcəssüm etdirən şəxsi silah kolleksiyası, şairin müəllifi olduğu, illüstrasiya çəkdiyi və Şuşada öz nəşriyyatında çap etdiyi kitablar, onun musiqi, kimya, astronomiya sahəsində fəaliyyətinin əks olunduğu eksponatlar nümayiş etdirilir. Ekspozisiyada astronomiya elmi ilə maraqlanan Mir Möhsün Nəvvabın bu sahə üzrə çəkdiyi cədvəllər, səma cisimlərinin yerləşməsi və Günəş tutulmaları ilə bağlı sxemləri də təqdim olunur.

Nəvvabın rəssam və musiqi nəzəriyyəçisi kimi fəaliyyəti ilə bağlı ayrı-ayrı kitablar çap olunsa da, onun fəaliyyətini bütövlüklə əks etdirən nəşr mövcud deyildi. Heydər Əliyev Fondunun təşəbbüsü və dəstəyi, Mədəniyyət Nazirliyinin yaxından iştirakı ilə ilk dəfə olaraq “Mir Möhsün Nəvvabın silah kolleksiyası və Şuşada silah istehsalı” adlı kitab nəşr edilib. Kitabda Nəvvabın tərcümeyi-halı, həyat və yaradıcılığı haqqında məlumat verilir, maarifpərvər fəaliyyəti işıqlandırılır. Kitab Mir Möhsün Nəvvab Qarabağinin indiyədək məlum olmayan irsinə - topladığı Azərbaycan silahları kolleksiyasına həsr olunub. Nəşrin hazırlanmasında arxiv və muzey materiallarından istifadə edilib. Azərbaycan və ingilis dillərində nəşr edilən kitabda əksəriyyəti ilk dəfə işıq üzü görən 100-dən çox foto, rəsm, sxem və xəritələr təqdim edilib.

# 672 dəfə oxunub

Oxşar xəbərlər

İranlı reperin ölüm cəzası ləğv edildi

İranlı reperin ölüm cəzası ləğv edildi

10:30 25 iyun 2024
“Rus klassikası”  adlı qala-konsert keçirilib

“Rus klassikası” adlı qala-konsert keçirilib

10:08 25 iyun 2024
Lent.az  16 yaşını qeyd edir

Lent.az 16 yaşını qeyd edir

09:00 25 iyun 2024
Beynəlxalq Qurama Festivalına Şuşada yekun vuruldu

Beynəlxalq Qurama Festivalına Şuşada yekun vuruldu

19:00 24 iyun 2024
Azərbaycanda Rusiya Mədəniyyəti Günləri  başlayır

Azərbaycanda Rusiya Mədəniyyəti Günləri başlayır

18:40 24 iyun 2024
Azərbaycanlı bəstəkarın əsəri Polşada birinci yerə layiq görüldü

Azərbaycanlı bəstəkarın əsəri Polşada birinci yerə layiq görüldü

18:31 24 iyun 2024
#
#
# # #