Həcilik biznesə çevrilib - Aqşin Yenisey

Həcilik biznesə çevrilib - Aqşin Yenisey
1 noyabr 2023
# 10:21

Kulis.az Aqşin Yeniseyin yeni yazısını təqdim edir.

Azərbaycan iqtisadiyyatı sürətlə həciləşir. Xüsusilə özəl sektorda həcilik bir biznes kultuna çevrilib. Biznes ortaqlığının vacib şərti halına gəlib. İqtisadiyyatın həciləşməsi istehsal yönümlü biznesin önünü kəsəcək. Çünki tarixin bütün dövrlərində dini burjua istehsal yönümlü iqtisadiyyat yaratmayıb, əksinə, istehlakçılığın genişlənməsində maraqlı olub. Buna elmdə "Məşdibad biznesi" deyirlər.

Bu biznes süni zəka üzərində qurulan IV, V Sənaye düşüncəsinin Azərbaycana gəlişini əngəlləyəcək, ən azı, yubadacaq.

Çünki biznes sektoru təklif olunan layihələrə texnoloji deyil, ideoloji maraqların gözüylə baxacaq.

Osmanlı, arxasınca SSRİ niyə dağıldı? Ona görə ki, hər iki imperiya ideoloji çağdan, texnoloji çağa, yəni pafosdan loqosa keçə bilmədi. Məsələn, 1980-ci illərdə dünyada texnoloji gücü ifadə edən keyfiyyət yönümlü iqtisadi sıçrayış baş verəndə, sovet ölkələri ideoloji gücü göstərən kəmiyyət yönümlü iqtisadiyyatla baş qatırdılar.

İqtisadiyyatın həciləşməsinin ən böyük zərbəsi təhsilə dəyəcək. Çünki müasir təhsil süni zəka texnologiyalarına fokuslanıb. Ölkədə IV Sənaye mühiti olmayandan sonra universitetlərimiz də məcbur qalıb XIX əsr üçün lazımsız kadrlar hazırlayacaq.

Hətta bu gün belə bunun örnəkləri var. Bu gün Azərbaycanda istehsal müəssisələrinə milyon dollarlıq texnoloji avadanlıqlar alınır. Amma təhsil sistemimiz o avadanlıqları işlədə, xarab olanda təmir edə bilən mütəxəssislər yetişdirmək iqtidarında deyil. Özəl sektor isə problemin həllini mütəxəssis yetişdirməkdə deyil, mütəxəssis çağırmaqda görür.

Dünən bir dostumuz danışır ki, özəl bir xəstəxanaya müayinəyə getmişdim, dedilər get, gələn ay gələrsən. Niyə? Milyon dollarıq aparatımız xarab olub,

Türkiyədəki ustanın da əlində işi var. Söz verib, əlindəki işi təhvil verib, gəlib bizimkini qayıracaq.

Aparatı olub, mütəxəssisi olmayan iqtisadiyyatın isə ağzı nədir, allah umuduna bel bağlamasın.

# 1980 dəfə oxunub

Oxşar xəbərlər

Qəbri tapılmayan baş nazirimiz - Onu kim qətlə yetirmişdi?

Qəbri tapılmayan baş nazirimiz - Onu kim qətlə yetirmişdi?

11:00 31 may 2025
Təfəkkürün başqa kainatı - Murad Köhnəqala

Təfəkkürün başqa kainatı - Murad Köhnəqala

10:15 31 may 2025
İran şahının sevimlisi olan Xalq artisti niyə yük maşınında qaçmışdı?

İran şahının sevimlisi olan Xalq artisti niyə yük maşınında qaçmışdı?

09:00 31 may 2025
AYB-nin şair İlham Qəhrəmana qarşı iddiası üzrə  ekspertiza keçiriləcək

AYB-nin şair İlham Qəhrəmana qarşı iddiası üzrə ekspertiza keçiriləcək

18:32 30 may 2025
“Ona toxunsanız...”  - Ziya Bünyadov xalq düşməninin oğlunu necə xilas elədi?

“Ona toxunsanız...” - Ziya Bünyadov xalq düşməninin oğlunu necə xilas elədi?

18:20 30 may 2025
Məşhur müğənni xərçəngdən vəfat etdi

Məşhur müğənni xərçəngdən vəfat etdi

14:49 30 may 2025
# # #