Kulis.az ən yaxşı 10 Milad kitabını təqdim edir.

1. Çarlz Dikkenz - "Milad nəğməsi"

"Milad nəğməsi" ilk dəfə 1843-cü ildə Con Liçin orijinal illüstrasiyaları ilə Londonun "Chapman & Hall" nəşriyyatı tərəfindən çap edilib. Əsərdə yaşlı Ebenecer Skrucun başına gələn hadisələrdən bəhs olunur. Milad bayramı ərəfəsində Skrucun yanına əvvəlcə onun keçmiş iş yoldaşı Ceykob Marlinin ruhu, daha sonra isə Keçmiş, İndiki və Gələcək Milad bayramının ruhları gəlir. Daha əvvəl qəddar və deyingən olan Skruc ruhların ziyarətindən sonra daha mehriban və zərif adama çevrilir.

Milad mövsümü, ənənəvi olaraq ailəvi birləşmələr, sevgi, ruhani dəyərlər və hədiyyə vermə ilə bağlı mövzuları əks etdirən hekayələrlə zəngindir. Əgər Milad ruhunu daha dərindən yaşamaq istəyirsinizsə, aşağıda təqdim etdiyim ən yaxşı 10 Milad romanını oxumaq sizi bu mövsümə xüsusi bir toxunuş əlavə edə bilər:

2. Kris Van Allsburq - "Qütb ekspresi"

Bu uşaq kitabı həm də Miladın sehrini yaşadan böyüklər üçün maraqlıdır.

"Qütb ekspresi" Milad gecəsi Uzaq Şimaldakı Milad Baba qütbünə səyahət edən bir uşağın hekayəsidir. İnancın və möcüzələrin gücünü göstərən əhvalat...

3. Luiza Mey Elkot - "Balaca qadınlar"

Roman Co, Meq, Bet və Emi adlı dörd bacının hekayəsidir. Onlar Miladı qarşılayırlar.

Ataları hər şeyinin itirdikdən və vətəndaş müharibəsində köləliyə qarşı mübarizə aparmağa başladıqdan sonra qızlar analarının himayəsi altında yaşayırlar. Meq varlı bir ailənin dörd uşağının mürəbbisi olur. Co varlı və tündməcaz Març bibiyə kömək edir. Bet utancaqlığına görə həmişə evdə qalıb ev işləri ilə məşğul olur. Emi isə məktəbə gedir. Qızlar evdə tamaşa düzəldir, kimsəsiz qonşularına kömək edirlər.

Avtobioqrafik səciyyə daşıyan roman Elkot və onun üç bacısı Anna, Elizabet, və Abigeylin uşaqlıq və gəncliyindən bəhs edir. Burada dörd bacı: Meq, Co, Bet və Emi onların həyatı, başlarına gələn hadisələr təsvir olunub. Əsərin əsas qəhrəmanı Conun prototipi müəllifin özüdür. Romandakı hadisələr Elkotun sonralar yazdığı "Balaca kişilər" və "Conun oğlanları" adlı əsələrdə də davam etdirilir. Bu üç əsəri birlikdə "Març ailəsi haqqında trilogiya" da adlandırırlar.

4. Yusteyn Qarder - "Milad sirri"

Kitab Milad mövsümündə fantastik səyahətə çıxan bir uşağın hekayəsidir. Nənəsi ona bir hədiyyə verir. Bu, adı hədiyyə deyil - sehirli Milad təqvimidir. Bu təqvimdə açılan hər pəncərədən bir nağıl danışılır.

"Sofinin dünyası" əsəri ilə məşhurlaşan yazıçı bu əsərində də oxucuları fəlsəfəi və mistik səhahətə çıxarır.

5. Barbara Robinson - "Ən yaxşı Milad yarışması"

Bu, Herdman ailəsinin hekayəsidir.

Bu ailənin uşaqları şəhərin ən yaramaz uşaqlarıdır. Ancaq bu dəfə hər şey tamamilə başqa olur. Herdman ailəsinin şouda iştirak etməsi şounun məzmunu dəyişdirir.

Bu dəyişiklik bütün şəhərin əhvalını dəyişdirir.

6. Reymond Briqqs - "Qar adamı"

Bir uşaq Milad səhəri bir qar adamı hazırlayır. Gecə qar adamı canlanır.

Qar adamı ilə hər yerə uçan uşaq müxtəlif macəralarla qarşılaşır.

7. Dr. Syuz - "Qrinç Milad bayramını necə oğurladı?"

Kitab Miladın və sevgisinin gücünü əyləncəli dillə təsvir edir və insanı düşündürür.

Hekayənin baş qəhrəmanı Grinç adlı yaşlı və qəlbi daşlaşmış bir varlıqdır. Grinç Huvil şəhərində yaşayan və Miladı böyük coşqu ilə qeyd edən insanlara nifrət edir. O, Milad sevincini heç vaxt başa düşməyib və bu bayramın bəşəriyyət üçün mənasız olduğunu düşünür.

8. Riçard Siddovey - "Milad arzusu"

Bu romantik Milad hekayəsi fərqli dünyalardan gələn iki insanın sevgini tapması haqqındadır.

Keyt keçmişdə yaşadığı itkiyə görə daim kədərlidir. Bir gün onun Milad arzusu reallaşır və...

9. Klement Klark Mur - "Miladdan əvvəlki gecə"

Bu şeir dünyanın möhtəşəm Milad şeiridir.

Şeirdə bir gecə Miladın ərəfəsində bir ailənin evində baş verənlər təsvir olunur. Ailə yuxudadır. Santa Klaus onlardan xəbərsiz evlərinə girib onlar üçün hədiyyələr qoyur.

Şeir dünya ədəbiyyatında Santa Kalusun masir formada təsvir olunduğu ilkin nümunələrindəndir.

10. Con Qrişam - "Milladan keçmək"

Miladsız bir il təsəvvür edin. İşıqlı mağazalar, meyvəli tortlar və gözəl hədiyyələr yoxdur. Nora və Lüter Krank cütlüyü Miladı qeyd etməməyə qərar verir.

Ancaq bu o qədər də asan deyil.

• Seyfəddin Hüseynlinin ədəbi-mədəni körpüsü - Sevinc Mürvətqızı
• İlhamə Elşadqızı saxlanıldı
• "Səriyyə" filmi təqdim edildi