Gənclər və İdman Nazirliyinin dəstəyi və Dünya Gənc Türk Yazarlar Birliyinin təşkilatçılığı ilə "Türk dünyası gənc yazarlarının Lənkəran toplantısı" adlı layihənin Lənkəran şəhərində yekun tədbiri keçirilib.

Kulis.az xəbər verir ki, Lənkəran Mədəniyyət Mərkəzində baş tutan tədbirdə çıxış edən Lənkəran-Astara Regional Mədəniyyət İdarəsinin rəisi Bəxtiyar Qılıncov tədbirin Türk dünyası üçün önəmini diqqətə çatdırıb.

Dünya Gənc Türk Yazarlar Birliyinin sədri İntiqam Yaşar 2024-cü ilin Lənkəran şəhərinin Türk dünyasının Gənclər paytaxtı seçilməsi çərçivəsində il boyu önəmli tədbirlər təşkil olunduğunu və bu tədbirin də mövzu ilə əlaqədar növbəti addım olduğunu diqqətə çatdırıb.

Daha sonra Türk ölkə və topluluqlarından gələn yazarlar - Özbəkistandan şair Suhrab Ziya, Mohira Eşpoladova, Türkiyədən Enver Aykol, Çuvaşıstandan Natalya Gerasimova çıxış edərək, layihənin önəmindən söz açıblar.

Yazar Banu Muharremin moderatorluğu ilə davam edən tədbirdə Azərbaycandan olan yazarlar fikirlərini bölüşüblər.

Sonda xarici ölkələrdən gələn nümayəndələrə və tədbirin təşkilatçılığında dəstək olan qurumlara Dünya Gənc Türk Yazarlar Birliyinin təltifləri təqdim olunub.

• Özbəkistanda Xocalı soyqırımı haqqında sənədli film çəkilib
• Heydər Əliyev Mərkəzinə nadir incəsənət kompozisiyası gətirilir
• Oğlanlara vacib mesaj – Bir il kef edəcəklər