"Elza Seyidcahanın yaxşı şeirləri də, bəzi qəbul olunmaz şeirləri də var. Özünə də demişəm."

Kulis.az xəbər verir ki, bu sözləri Xalq yazıçısı Anar deyib.

Onun sözlərinə görə, Elza Seyidcahanın şeirlərini Yazıçılar Birliyinə üzv olduğuna görə yox, şəxsi münasibətlərə görə məsxərəyə qoyurlar, gündəmə gətirirlər.

"Ruhəngiz Qasımova bəstəkar idi, o da AYB üzvü idi. Niyə? Çünki pyesləri var idi. Fərhad Bədəlbəyli də bura üzv idi. Çünki şeir kitabı çıxmışdı. Elza Seyidcahanın da şeirləri var. Niyə Ruhəngiz, Fərhad üzv olanda heç kim heç nə demədi, amma Elzanı gündəmə gətirirlər. Demək, burada məsələ ona şəxsi münasibətdir. Məsələn, mən Kinomatoqrafçılar İttifaqının üzvüyəm. Məni Rəssamlar İttifaqına da qəbul ediblər. Çünki rəssamlar haqqında xeyli məqalələrim var. Heç kim də demir ki, niyə belədir? Bircə Elza Seyidcahan problem olub..."

Xalq yazıçısı qeyd edib ki, epotajla, açıq-saçıq şeirlərlə ədəbiyyat tarixində qalmaq olmaz.

"Elza Seyidcahanın bəzi şeirlərini oxumuşam. Mən onu çağırdım, bacısı ilə birlikdə gəldi, Rəşad Məcidlə qəbul etdik. O vaxta qədər yazdıqlarını oxumamışdım, sadəcə, sitatlar gətirmişdilər. Burada şeirlərini oxudu. Ona dedim ki, sən belə şeirlər yazma. Epotaj, yəni açıq-saçıq şeirlərlə ədəbiyyatda qalmaq mümkün deyil. Bunlarla 1-2 gün diqqət çəkirsən, sonra unudulub gedəcək."

• Remark ağlaya-ağlaya kimə məktub yazırdı?
• "Hamı bir yana, Allahdan da utanmırsız?" - Şəhriyar del Geranidən sərt sözlər
• İƏT Mədəniyyət Festivalının tarixi dəyişib