Adəmin atası niyə həbs olundu?

Adəmin atası niyə həbs olundu?
16 aprel 2024
# 17:00

Kulis.az El Romanın "Adəm ibn Sadiq" yazısını təqdim edir.

Sadiqin atasını tanıyırsınız?

Ümumiyyətlə, Sadiqi tanıyırsınız?

Sadiq Adəmin atasıdı.

Daha uyğun dillə desək, Adəmin atası Sadiqdi.

Bir tərəfdə adları "kimin oğlusan?" sualına cavab kimi verilən atalar, bir tərəfdə də Adəmin atası.

Bu üçüncü növ təyini söz birləşməsinin əsas tərəfi Adəm, asılı tərəfi atasıdı.

O ailənin əsas tərəfi Adəm, asılı tərəfi atasıdı.

Tiktoker "Adəmin atası"nı həbs ediblər. Düz 30 sutka cəza verilib.

"Hammurapi qanunları" var, həmin qanunların birində deyilir ki, kimsə qələt eləsə, o da, onun atası da, övladı da cəzalandırılır.

Sadiq də oğlu Adəmə görə cəzalandırılıb.

Guya Sadiq həbsdən qayıdandan sonra öz işini görməyə davam etməyəcək ki?

Edəcək. Həm də daha həvəslə, daha şövqlə.

Deyəndə ki, indiki uşaqların təfəkkürləri ən yaxşı halda məhduddu, bizi qınayırlar. "Hər şeyə danışırsınız, demaqoqluq edirsiniz" deyirlər, bizə bu damğanı vururlar.

Uşaq vaxtı "Adəm" adını eşidəndə bizim ağlımıza kim gəlirdisə, bu məlumdu.

Bəs "Adəm" adını eşidəndə indiki uşaqların ağlına kim gəlir? Bu da məlumdumu?

"Adəmin atası"na "Tiktok"da səhərdən axşama qədər hədiyyə göndərən camaat indi papağını göyə atır ki, nə yaxşı olub, həbs edilib.

Dünənə qədər şablon ruhlarını primitivliklə doyuzduran camaat birdən-birə nə baş verdisə, ruhlarının bir qarnını ac belə qalmağa razılaşaraq ziyalı mövqelərini çıxarıb stolun üstünə çırpdı.

Sadiqə qarşı o qədər aqressiya var ki, elə bil, xüsusi əməliyyat nəticəsində hansısa erməni əsir götürülüb və həbs edilib.

Düzdü, təşbehdə xəta olmaz, amma bunu mən də demirəm, xalq deyir.

Sevgi qınağın ələkdən keçirilmiş halıdı.

Rəylərdə "Erməni beləsindən yaxşıdı" cümləsini oxuyandan sonra bu qənaətə gəldim ki, biz nəinki insanları sevməyin, hətta qınamağın da qaydasını bilmirik.

İnsanlardakı bu aqressiya, əslində, başa düşüləndi.

Səhərdən axşama qədər palçıq qatan, gec saatda yorğun-arğın evə qayıdan fəhlə avtobusun arxa oturacağında oturan kimi hansısa "havayı pul qazanan" insanın həbs olunduğu xəbərini oxuyanda, əlbəttə, sevinəcək.

Əlbəttə, camaat sevinir, sevinəcək.

Dünən Adəmin videolarına ən azından, baxıb gülən insanlar bu gün ona qarşı əks cəbhədə dayanıblar və halına gülürlər.

Başqasının halına gülmək ağır xəstəliyimizdi.

"Başqası" elə özümüzük. Bizim yaratdığımız, bizim məşhur elədiyimiz, təkidlə ən təpəyə qaldırdığımız insan bizə nə dərəcə yad ola bilər ki? O elə bizim özümüzdü.

Bu cür insanlar ən böyük həzzin çox insan tərəfindən tanınmaq və izlənmək olduğunu düşündükləri üçün "Tiktok"a cənnət kimi baxırlar.

Amma bu dəfə almanı Adəm dişlədi.

# 7060 dəfə oxunub

Oxşar xəbərlər

Daha bir aktrisa rol aldığı serialdan qovuldu

Daha bir aktrisa rol aldığı serialdan qovuldu

17:15 3 aprel 2025
Sənət dünyasının sevgi əfsanəsi - Balaca qızları çəkiliş qrupuna kim götürür?

Sənət dünyasının sevgi əfsanəsi - Balaca qızları çəkiliş qrupuna kim götürür?

17:00 3 aprel 2025
Nesrin Cavadzadə də etirazlara qoşuldu

Nesrin Cavadzadə də etirazlara qoşuldu

16:30 3 aprel 2025
Həsən Kür xəstəxanadan evə buraxılıb: yeriyə bilmir, yaddaş pozuntusu var...

Həsən Kür xəstəxanadan evə buraxılıb: yeriyə bilmir, yaddaş pozuntusu var...

16:00 3 aprel 2025
“Zəfər dastanı: Çanaqqaladan Qarabağa” adlı qala-konsert təşkil olunacaq

“Zəfər dastanı: Çanaqqaladan Qarabağa” adlı qala-konsert təşkil olunacaq

15:45 3 aprel 2025
Firəngiz Mütəllimovanın “Varlı qadın”la benefisi

Firəngiz Mütəllimovanın “Varlı qadın”la benefisi

15:00 3 aprel 2025
#
#
# # #