“Oxu Zalı” yalanla dolu məqaləni niyə çap etmişdi?

Media

Ana səhifə
Media

“Oxu Zalı” yalanla dolu məqaləni niyə çap etmişdi?

26 iyul 2012

10:53

Bir mətbu orqanın digər bir mətbu orqanın siyasətini təftiş etməsi nə dərəcədə normaldır?

Əlbəttə ki, söhbət bir qəzetdə çıxan yazıya hansısa saytda yazılmış cavabdan getmir.

Söhbət bir mətbu orqanın digərinə “bu yazını niyə vermisiz?” sualını verməsindən gedir.

Bu, mətbəxə burun soxmaqdır.

“Oxu Zalı” bir neçə redaktora zəng vurub soruşur ki, niyə bu məqaləni çap etmisiniz?

Söhbət Rüstəm İbrahimbəyovun “Kabusun gözü ilə” filmi haqda “Kaspi” qəzetinin çap etdiyi resenziyasından gedir.

“Kulis” də bu məqaləni çap edib.

Biz “Kaspi” qəzetinin baş redaktoru Natiq Məmmədlinin Rafiq Tağı haqqında yazılarını da çap etmişik.

Həmin film haqqında keçən ilin iyun ayında Sevda Sultanovanın resenziyasını da çap etmişik.

“Siz niyə bu yazını çap etmisiniz?” iradına bizim də cavablarımız var.

Misal üçün, “Oxu Zalı”nda keçən həftə sonu çap edilmiş bir məqaləni götürək.

Min ildir teatra getmədiyini yazan müəllif Elçin Əfəndiyevin “Şekspir” tamaşasından yazır, halbuki o əsərin müəllifi ilə adını ayırd edə bilməyəcək qədər həvəskardır, çünki Şekspirin adını görüb tamaşaya gəlib və elə bilir ki, Şekspirin hansısa pyesi tamaşaya qoyulacaq, müəllifin iri şriftlərlə yazılmış adını görmür.

Bu hələ nədir ki?

Tamaşanın yüz dəfələrlə səhnəyə qoyulduğunu yazır, halbuki premyerası mart ayında olan bu pyes heç on dəfə də səhnəyə qoyulmayıb.

Həvəskar müəllif pyesin sovet vaxtı yazıldığını deyir; Elçin Əfəndiyevin dramaturgiya fəaliyyətinin müstəqillik dövründə başladığını bilməməsini də biz ona keçərik, amma haqqında yazdığı pyesin nə zaman yazıldığını bilmədən qollarını çırmayıb məqalə yazmasına nə ad verək?

Bu məqaləni çap edən mətbu orqanın başqalarına irad tutmasına nə ad vermək olar?

Yəni, bizim də deməyə sözümüz var…

2734 dəfə oxunub

Paylaş

Oxşar xəbərlər

Reallıqdan qopanlar, yetkinləşməyi rədd edənlər, qocalmaqdan qorxanlar... - Ədəbiyyatdan ilhamlanan 7 psixoloji sindrom

14:00 5 iyul 2026

Xəyanət sənədini imzalamaqdan imtina edən patriarx - Pavel Çistyakovun məşhur tablosu

12:30 5 iyul 2026

"Xoşbəxtəm ki, məsləhətlərinizə əməl etməmişəm!" - İrland musiqiçidən müəlliminə etiraz

11:30 5 iyul 2026

Media