Nobel mükafatı laureatı professor Əziz Sancarın Mardindəki evinin muzeyə çevrilməsi üçün layihə hazırlanır.
Kulis.az türk mətbuatına istinadən xəbər verir ki, Əziz Sancar bu evdə dünyaya gəlib. Həkimlik fəaliyyəti ilə məşğul olduğu illərdə də bu evdə yaşayıb. O, yaşadığı evdən həm də xəstəxana kimi istifadə edib. Xəstələrin təmənnasız olaraq orada qalmasını və müalicə olunmasını təmin edib.
Mardin bələdiyyəsinin layihəsi tam hazır olandan sonra 3 mərtəbəli, 36 otaqlı tarixi imarətin bir hissəsinin muzey halına gətirilməsi reallaşdırılacaq.
