“A Dame to Kill For”un afişasına Amerika Film Dərnəyi tərəfindən qadağa qoyulub. Kulis.Az-ın məlumatına görə ekspertlər qadağanı baş rol ifaçısı Yeva Qrinin afişada əks olunan pornoqrafik xarakterli şəkli ilə izah edirlər. Afişada aktrisanın döşləri açıq şəkildə nümayiş etdirilib.
Dərnək afişanın kinoteatr və reklamlarda istifadə olunmasını qadağan edib. Film distribyutr şirkəti Dimension Filmsin mətbuat xidmətinin rəhbəri məsələ ilə bağlı açıqlama verməyib. Şirkətin Amerika Kino Dərnəyi ilə razılığa gələcəyi ehtimal olunur. Film 22 avqustda ABŞ və Avropada prokatlara çıxacaq.
