Bakı şəhərində yerləşən 3 nömrəli Uşaq İncəsənət Məktəbinə Azərbaycan milli musiqi ifaçılıq sənətinin görkəmli nümayəndəsi, tanınmış bəstəkar, Əməkdar incəsənət xadimi Gülarə Əziz qızı Əliyevanın adı verilib.
APA-nın məlumatına görə, Baş Nazir Novruz Məmmədov bununla bağlı müvafiq sərəncam imzalayıb.
Mədəniyyət Nazirliyinə bu sərəncamdan irəli gələn məsələləri həll etmək tapşırılıb.
Sərəncam imzalandığı gündən qüvvəyə minib.
